Yeremiya 15:15 - Mawu a Mulluku

¹⁵ Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Yeremiya 15:15 ပူးပေါင်းရင်းမြစ်များ

Yeremiya 12:3

Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Luka 21:17

Athu attheene eneerowiitani kaambiiwa nyuwaano tti oohudderaaka.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Yeremiya 17:16

Koma Apwiya mi nguuwatihereni wi muweena ddoohoosa. Munnadduwella wi nllapo na otulli nginanikhallella munkhella nave ddittheddene nnddo kallotilleemi munnaddidduwella.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Yeremiya 20:8

Voollotani, kinnawelliha mawu, kinnakhuwa wi, “Ekhoto wuno, nohoonongeya!” Nyu Apwiya, mawaanyu aakitthattusa oovevulliwa ni oohumullulliwa mallapo mattheene.

Masalimo 119:84

Ethiyo mi oorumeyellaanyu kivillelle ophiyera niini? Ethiyo athu ookihoosa munaawaallake niini?

Masalimo 106:4

Apwiya, mukuupuwelle mwaawoonihellaka oreera murima athwaanyu, mukikavihere mwaawaavullusaka

Nehemiya 5:19

Nyuwaano Mullukwaaka, upuwellani ddaphaama ddittheddene kiweerelleemi athwaalla.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

2 Timoteo 4:14

Alekizandro oohana mikoko aakeerella ddoonanara ddinchichi, Apwiya eneeromullaka moollikana ni mitteko ddaye.

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

Mateyu 19:29

Nave attheene ayo ehiyalle enyumba ddiwa apaalle asinniwa naari arokoriwa apaalle attiitthiiwa apaalle ameewa naari aniiwa apaalle emata ddiwa kaambiiwa tti oohudderaaka eneerewaakhella nnddo ehiyalliwa waakullella 100 nave eneerewaakhella okumi woohimalla.

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Yesaya 38:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Masalimo 102:24

Kaallota wi, “Nyu Mullukwaaka muhikivenyihevo kihinuulluvalle. Miyakha ddanyu tti dda mibado ddittheddene,

Masalimo 39:13

Muhikiweheke moowalli, sika kineerowora ohakallalla, kihinakhwe nave kihinathiime.”

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Yobu 10:7

Naari mudduwellaka wi ngilakwille khaavo anaakivulluse m'mattani mwanyu.

Nehemiya 13:31

Nave kahoonesesa wi ekhuni dda mukutho ni ezipaso ddawaamba ddinnavelleelliwa mu enthawiiwa. Nyuwaano Mullukwaaka, kuupuwelleni ekaamba ya ddenndda.

Nehemiya 6:14

Mullukwaaka, wuupuwelleni Tobiya ni Sanibalati moollikana ni yeerilliiwanndda navettho namallotella aamutthiyana, Nowadiya, owaaka anamallotella amodda yapaalla okoopopiha.

Aroma 8:35

Ttaani vano anaanimwallanihe ni echikondi ya Khrisitu? Ethiyo ddookatamiha apaalle ddoovoreya, ohoosiwa, ettalla, ohoowa, ddawoopopiha apaalle okhwa ttuuweera ddenndda?

Oweeruza 16:28

Vano Samisoni aavekella wa Apwiya allota wi, “Nyu Apwiya Mulluku, pepaani, mukuupuwelle omoddave wenngu. Nave mukivahe masiva nyu Mulluku wi kaahokolloselle epewe Afilistaalla ekaamba ya miitthwaaka meellaalla.”

Masalimo 44:22

Koma mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.

Yeremiya 15:20

Kineerewuutthattusa oollipa wonanko mpanda wamukuwa wa athwaayo. Alliwa eneerollipana ni we koma kheyuupambana vawi kiri ni we wi kiwaakihelle ni wuuvullusa.

Yeremiya 20:11

Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Maliro 3:64

Nyu Apwiya, mwaallake moollikana ni ddoolakwa ddiwa, moollikana ni mitteko yapharilliiwa.

Maliro 3:66

Nyu Apwiya, muwiikarihe moowalli, mwaatthollose va ellapo yavatthi.”