Yeremiya 15:13 - Mawu a Mulluku

¹³ Apwiya yaallota wi, “Kineerovelleella eyuumaanyu ettheene ni katundwaanyu wa adanaanyu moohillivella ekaamba ya machimwaanyu manchichi mu ellapo ettheene.

Yeremiya 15:13 ပူးပေါင်းရင်းမြစ်များ

Yeremiya 17:3

Eyuumaanyu ni katundwaanyu muttheene kineeroddivelleella wa awaakha wi okhalle olliva wa machimwaanyu aweereya mwiillaponi mwanyu mutthemwene.

Masalimo 44:12

Mohaakulliha athwaanyu mookittha mutengo, kheyiivo muphuralleenyu.

Yesaya 52:3

Apwiya enallota wi, “Khamwaakullihiwe ni ello sika munoopolliwe oohivelleella makobiri.

Yeremiya 20:5

Eyuuma ettheene ya m'muzindanimmu, mphuro muttheene wa muttekwiiwa, ddeko ddittheddene ddoowallamella mutengo ni eyuuma ya mamwene a o Yuda ddineerovelleelliwa wa adaniiwa. Alliwa eneerewaakha ddennddo ni oddiyaana o Babiloni.

Yesaya 52:5

Vano mi Apwiya kineere tini vawoona wi athwaakanyu yahuupharani okaporo oohivelleellavo ello? Awuulamulani ennakhuwa moonyindulla ni okillotella epewe moohihiyerera.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.

Ezekiele 38:13

Athu a o Sheba ni a o Dedani navettho ookulliha malonda a o Tarishishi ni mizi ddiwa ddittheddene eneerokoha wi, ‘Ethiyo oweelle waakha dda okhotoni? Ethiyo waatthukumanihalle akhotwaawo wi otukhulle ddawaakha okhotoni, siliva ni golide, eziweto ni katundwiiwa ddikhalle ddawaakha ddinchichi?’

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.