Yeremiya 15:11 - Mawu a Mulluku

¹¹ Apwiya yaakaakhulla wi, “Ddawoona, kineerowaakihera wi ophwanye phaama. Ddawoona, adanaawo eneerewullapella va enthawi ya otulli ni ddoohoosa.

Yeremiya 15:11 ပူးပေါင်းရင်းမြစ်များ

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

Yeremiya 37:3

Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”

Oollalleya 8:12

Naari muthu oochimwa eerille ddoonanara wunchichi, annakhallave ni okumi wa enthawi yoorekama koma kinnadduwella wi oomwiiwellella Mulluku ddinnamweetella phaama vawi annamoova Mulluku.

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.

Yeremiya 21:2

“Khaweni wa Yeremiya mwamuveke wi anillotelle wa Apwiya vawi Nebukadinezara mwene a o Babiloni oonihella ekhoto. Apaalle Apwiya ttuuneerella ddoottikhiniha wi Nebukadinezara avenyewo owanihu wuno.”

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 37:17

Nllapo nimodda Zedekiya ahaaruma athu wi yamwiithane Yeremiya nave mwenooyo aamwaakhella. Vano mwenooyo aamukohella vakhwipi mpa mwaye wi, “Ethiyo vookhalla mawu ayo Apwiya yuulleelliiwa?” Yeremiya ahaakhulla wi, “Ee, yookhallavo. Nyu amwene muneerovelleelliwa m'mattani mwa mwene a o Babiloni.”

Yeremiya 38:14

Nllapo nimodda Zedekiya aamwiithana namallotella Yeremiya amwaakhellella va mullako waneeraru wa o enyumba ya Apwiya. Aamulleella wi, “Kinapaalla kuukohe ello, ohinakivitthella.”