Yeremiya 15:1 - Mawu a Mulluku

¹ Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 15:1 ပူးပေါင်းရင်းမြစ်များ

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”

Yeremiya 14:11

Vatulli viwa Apwiya yaakilleella wi, “Ohaavekellelle athu yaalla, owaashella ddaphaama.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Masalimo 99:6

Mwa allupa mukuthwiiwa mwaakhalla Mose ni Aroni, Samuele aari mmodda awiithana nnddina niwa yaaninllella wa Apwiya, alliwa enawaakhulla.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.

2 Mamwene 17:20

Sika Apwiya yaaddikhoota edduullu ddittheddene dda Aisraele, eddihoosa, eddivelleella m'mattani mwa athu awaakha ophiyera yahaatathilla vamiitthoni viwa.

1 Samuele 7:9

Vano Samuele aamukusa mwaanaankhosa awaamwa amwiipha amuphaddaphadda amuvelleella amututha wa Apwiya mukutho wooshellelliha. Ahaavekellella Aisraele wa Apwiya nave Apwiya yaamwaakhulla

Yeremiya 52:3

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Yeremiya 23:39

Sika mi mwaneenaaka kineerewuutukhullani wonanko katundu oollemella ni wuutathillellani woorekama. Kineerewuuvenyihanivo vamiitthoni vaka nyuwaano ni muzinda oyo kuuvahilleemini nyuwaano ni makhollwaanyu.

Yeremiya 18:20

Ethiyo yoonanara ttuukhalla mallivello a ello yaphaama? Koma aakikatella nlliti wi kimorellemo. Upuwellani wi kaawa wa nyuwaano waavekellella wi muhaashelle murima.

Yeremiya 15:19

Sika Apwiya yahaakhulla wi, “Wahokollweella wa mi, kineerowaakhellattho nave oneerokirumeyellattho. Waallotaka ddawoona ohiri ddoohikhalla ni mutteko onaakhalle namallotellaaka. Athu yaalla eneerohokollweella wa weyaano koma we khohokollweella wa alliwa.

Miyambo 14:35

Mwene annahakallalla ni mullupa mutteko aweera ddeko mweezeru koma annamunanariwella oowulliha muru.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Yeremiya 35:19

vano mi Apwiya Amasiva Mattheene, Mulluku a Israele, kinnallota wi, ‘Yonadabu mwaana a Rekabu khawa arama edduullu yookirumeyella wa enthawi yoohimalla.’ ”

Oweeruza 5:9

Etitimiheye Apwiya, murimaaka ori ni oohoollella a akhoto a o Israele, ori ni athu ayo awiivelleella, variyari va akhwiiwa.

Genesis 19:27

Osaka wene, ohinase, Abrahamu aathamakella onipuroni, nko iimellilleeye vamiitthoni va Apwiya.

Zekariya 3:3

Yoswa awarille ddoowara ddanihiryo iimenlleeye vamiitthoni va mungeloolle.

Deuteronomo 9:26

Nave kaavekella wa Apwiya wi, Nyu Apwiya Mulluku, pepaani muhiwoononge athu ayo mwaatthoollilleenyu wi ekhalle yoohallanaanyu. Athu yaalla mwaawoopolla nave mwahaakhumiha ni masivaanyu muullupalli o Iguputo.

1 Samuele 12:19

Nave athu attheene yaawa wa Samuele ellota wi, “Pepaani, munivekelle hiyaano oorumeyellaanyu wa Apwiya Mullukwaanyu wi nihikhwe. Noodduwella wi nookhalla nichimwaka mutullimmu nave nohaanjereravo nichimo nimodda voovekani wi nikhalle ni mwene.”

Yeremiya 9:19

Ngiiwani winlla woovenyera o Ziyoni enallota wi, “Otulli, nohoonongeya! Noowulliwa muru wunchichi, Ninaphwanella nihiye ellapwaahu, kaambiiwa enyumba ddahu aaddikumulla.”

Yeremiya 10:18

Apwiya enallota wi, “Vano kineerewaavenyihamo athu attheene mwiillaponimmu. Kineerewuunyenyani ophiyera naari mmodda a nyuwaano khakhallavo oovulluwa.”

Yeremiya 16:5

Apwiya enallota wi, “Ohivollowe mu enyumba ya maliro. Ohivollowemo wi winlle apaalle waakhurumusa murima athu vawi koowaakha murendellaaka, echikondaaka yoohisintheya ni echifundwaaka.

Yeremiya 16:13

Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.