Yeremiya 14:9 - Mawu a Mulluku

⁹ Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yeremiya 14:9 ပူးပေါင်းရင်းမြစ်များ

Yesaya 63:19

Niri wonanko athu ehinalamulelliweke ni nyuwaano, wonanko khannakhalleke athwaanyu.

Yesaya 59:1

Ngoonani, muwono wa Apwiya khokhuveyille wi khewora ovullusa apaalle maarwiiwa khekhoowille wi khewora wiiwa.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Masalimo 46:5

Mulluku ari muwari mwa muzindooyo khotikheya aneerowukavihera nndduwa nihinakhume.

Numeri 11:23

Apwiya yaamukoha Mose wi, “Ethiyo muwono wa Apwiya tti wookhuveya? Vano oneerewoona naanweene vaava ddeko nnddo killotilleemi ddeereyaka apaalle iyaayi.”

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Masalimo 27:9

Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

Mitteko 15:17

Vano athu amodda attheene yahanllaayo eneeroowa wa miyaano, athu attheene ayo ehiri Ayuda, ayo kaawiithanilleemi wi ekhalle aaka.

Ezekiele 48:35

Sika waapheella muzinda muttheenooyo onaakhalle mamita 9,000 nave nnddina na muzindooyo wa enthawi yoohimalla ninaakhalle Apwiya eri vaava.”

Habakuku 1:2

Nyu Apwiya, ethiyo kinaawiithaneni ophiyera niini koma oohikiiwa nyuwaano? Kinninllella wa nyuwaano dda echiwawa, koma khamunakivullusa?

Deuteronomo 28:10

Sika athu attheene a va ellapo yavatthi ettheene eneerewoona wi Apwiya Mullukwaanyu ahuutthoollani wi mukhalle yoohallaniiwa nave eneerekowoovani.

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Masalimo 10:1

Nyu Apwiya kaambiiwa tini mwiimenlleenyu voorekamella, muniipittheenyu naahoosiwaka?

Yesaya 43:7

arive muthu oyo anadduwelliwa ni nnddina naka, oyo kamphatusalleemi ekaamba ya ntitimiho naka, oyo kamoopilleemi ni ompanga.”

Yeremiya 51:5

Israele ni Yuda kheyaahiyiwe ni Mullukwiiwa, Apwiya Amasiva Mattheene naari ellapwiiwa eddanlle ni machimo oomuvevulla Aweella a Israele.

Maliro 5:20

Kaambiiwa tini munitiwanlleenyu moohihiyerera? Kaambiiwa tini munihiyalleenyu enthawi yoorekama?

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.