Yeremiya 14:3 - Mawu a Mulluku

³ Eeyuuma ennaaruma allupa muttekwiiwa wi yarike maaddi, ennaphiya wiihimeni koma khewuri maaddi, sika ennahokollowa ni mino muhiri ello. Ennawulliwa muru nave ahiimella muru, ennawaramella vatthi.

Yeremiya 14:3 ပူးပေါင်းရင်းမြစ်များ

2 Samuele 15:30

Davide aawella mwaango wa olivi, inllaka, ahiwanre esapato koma iikhunenlle omuruni. Athu attheene aariiyena yahiikhuneellattho omuruni enawella mwaango, yinllaka.

Masalimo 40:14

Evevuwe nave ewulliwe muru attheene enaashaasha okumaaka. Ehokollweelle mutulli, ethawe mwanampallalla ayo enapanganella yoonanara.

2 Mamwene 18:31

Muhimwiiwellelle Hezekiya. Mwene a o Asiriya anuulamulani wi mukhumemo m'muzindanimmo nave mumugonjelle. Mweera ddiiddo arive muthu anaacheke mpesaaye ni namukuyaaye ni owirya maaddi a mu ehimaaye.

Amosi 4:8

Athu a mizinda miilli apaalle miraru yaanaya o muzinda mmodda wi yaashaashe maaddi koma kheyaakwakhwanella. Komave khemwaahokollweelle wa miyaano. Mi Apwiya koollota.”

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yowele 1:20

Naari enama ddamuhakani ddininllella wa nyuwaano ekaambiiwa mihinje ddittheddene ddoowelleella nave munllo wooshellelliha moochihellamo, ohakani.

Yeremiya 20:11

Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.

Yeremiya 14:4

Vatthi vookhalla mitthari vawi khewuri murimu, Oollima ennawulliwa muru, aawaaramella vatthi.

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Yobu 6:20

Ennatathilla murima vawi yatiyerella ophwanya maaddi, koma voophiyani wenko ennakhumuwa kaambiiwa yahumma.

Estere 6:12

Vatulli viwa Mordekai aahokollweella o enyumba yoomwene. Koma Hamani aaya mwawaakuva o enyumba waye inllaka, iikhuneelle muru.

1 Mamwene 17:7

Vihinallekelle, muhinjoolle waawelleella kaambiiwa murimu khaarupalle mwiillaponimmo.”

2 Samuele 19:4

Mwenooyo aakhuneella owiitthoni aninlla wi, “Mwanaka, mwanaka Abishalomu, mwanaka, mwanaka!”

Yeremiya 2:37

Muneerokhumawo wenko arive muthu miwono ddiri va muru. Vawi Apwiya ahaakhoota ayo munaaroromelleenyu nave khamuphuramo ello mwa alliwa.”

Yeremiya 3:3

Sika ekaambiiwa murimu a ntthokollapallaka iimeselliweeye nave naari murimu awaallella kharupalle. Komave makhallellwaawo mattheene tti a hule nave khonawulliwa muru naari vang'ono.

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”

Maliro 4:4

Nllumi na awaamwa ninnuumellella ommilloni ekaamba ya nthona. Anamwani ang'onong'ono ennaveka yoocha koma khaavo anaavaha naari vang'ono.

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.

Zekariya 14:17

Mutundu mmodda wakhoota oyaawo wi wamullapelle mwene, Apwiya Amasiva Mattheene murimu kharupaka variyari viwa.

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.