Yeremiya 14:21 - Mawu a Mulluku

²¹ Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Yeremiya 14:21 ပူးပေါင်းရင်းမြစ်များ

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Yeremiya 17:12

Enyumbaahu yoollapellamo tti mpando woomwene wantitimiho, wookeraattheya va mwaango woorekama waambeella khalle.

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Aefeso 2:7

Enre ddenndda wi oonihe opambana wawunnuwa wa echisomwaaye enthawi ettheene ya muhoollo mu echikondi ananooniheeye mwa Khrisitu Yesu.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Ezekiele 43:7

Aakilleella wi, “We mwaana a muthu, nipuro nenna tti na mpandwaaka woomwene mvo kinanyingallihaamivo manyallwaaka. Wuno sika kinaakhalleemi ni athwaaka Aisraele wa enthawi yoohimalla. Alliwa naari mamweniiwa khewa eripihattho nnddina naka naweella vooraruwani apaalle voovitthani mitembo dda mamweniiwa o mapuro oollapellawo.

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Masalimo 106:40

Vano osha murima wa Apwiya wahaakharella athwiiwa, kaambiiwa yaananariwana yoohallaniiwa.

Masalimo 51:11

Muhinakiikariha vamiitthoni vanyu, muhinavenyiha munepaanyu Waweella mwa miyaano.

Deuteronomo 32:19

“Apwiya yoonilliiwa ddenndda, yahaakhoota athwaayo, kaambiiwa aniiwa aallopwana ni aatthiyana yaattatthamulla owalliiwa.

Levitiko 26:11

Kineerokhalla variyari vanyu nave ngiwa kuuhiyani.

Eksodo 32:13

Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ”

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Masalimo 25:11

Nyu Apwiya, ekaamba ya nnddina nanyu, mukikhululukelle machimwaaka vawi mullatwaaka tti muullupalli.

Masalimo 145:11

Eneerollota dda ntitimiho na omwenaaye, eneerotthopoolla dda masivaanyu

Yesaya 62:6

We Yerusalemu, va mipanda ddawo kohaahiyavo alonda, otthaana ottheene ni mahiiyu mattheene khaweera ellapo tuu. Nyu munawuupusa Apwiya, muhiithuuwe.

Ezekiele 20:22

Koma ngeerille wi nnddina naka nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.