Yeremiya 14:19 - Mawu a Mulluku

¹⁹ Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 14:19 ပူးပေါင်းရင်းမြစ်များ

Maliro 5:22

Apaalle neereke moonikhootellaatu? Neereke moonishella murima mookhwaranya muyeso?

Yeremiya 8:15

Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

Yeremiya 30:13

Khaavo anaawore owaakiherani va mullatwaanyu, khawiivottho murete woochiriha eretaanyu.

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”

Yeremiya 12:8

Yoohallanaaka yookitthattuwella mukango wamuutthakoni, enakithurumella moowalli, sika ekaambiiwa kinawiitelleemi.

Masalimo 78:59

Mulluku iiwalleeye ddenndda aananariwa wunchichi, ahaakhoota Aisraele ni murimaaye muttheene.

Yobu 30:26

Koma vootiyerellani ddaphaama, ddoonanara ddaakimorella, vootiyerellani owala, epiphi yaakihuruwella.

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Masalimo 89:38

“Koma vano moomutatthilla ni omuruna oozoziwaanyu,* olliye moomushella murima.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Yeremiya 12:7

“Koovenyawo onyumbani waka, koohiya yoohallanaaka, koomuvelleella ookondiwa a vamurimani m'mattani mwa adanaaka.

Mika 1:12

Athu a o Maroti ennakhupanya vootiyerellani nikavihero ekaamba yawi Apwiya aawiiha woonongeya vakhuviru ni Yerusalemu.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Yeremiya 30:12

Apwiya enallota wi, “Nikhwata nanyu tti noohivolliheya, nikhwata nanyu nimmattatthareya.

Yeremiya 51:5

Israele ni Yuda kheyaahiyiwe ni Mullukwiiwa, Apwiya Amasiva Mattheene naari ellapwiiwa eddanlle ni machimo oomuvevulla Aweella a Israele.

Maliro 2:22

Wonanko mmo muniithanelleenyu o ehakallallo, tti mwemmo mukiithanelleenyu ddawoopiha ovenyera o embali ddittheddene. Nyu Apwiya, va nllapo na osha murima wanyu, khaavo oyo awonre othawa apaalle ovulluwa. Attheene kaayarilleemi ni waalleella, adanaaka yaawoononga.