Yeremiya 14:18 - Mawu a Mulluku

¹⁸ Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

Yeremiya 14:18 ပူးပေါင်းရင်းမြစ်များ

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.

Maliro 1:20

Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Deuteronomo 28:36

“Apwiya eneeromwiikarihella o ellapo yeelleto mwenaanyu ni nyuwaano attheene nko muhinakhallekeenyuwo ovenyera khalle, nyuwaano ni makhollwaanyu. Wenko muneerekorumeyella milluku ddimodda, ddamiteekho ni ddamalluku.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Maliro 4:9

Anakari tti ayo yiiphiwe vakhotoni, okhwaranya ayo yakhwille ni ettalla. Vawi attallaalla yamalliheya vang'ono vang'ono ekaamba yoorama yoocha.

Yeremiya 23:21

Apwiya yaallota wi, “Anamallotella yaalla kaarumalle khe miyaano komave yaanathamaka nngu ni nngu enallotella wonanko kahaaruma.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Yesaya 22:2

We muzinda wooddalla ni wootokollolla! We muzinda wootokollolla ni woonyakulla. Athwaanyu kheyiiphiwe ni nsupada apaalle ni ekhoto.

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”

Amosi 4:6

“Tti miyaano kuurumihelleni ettalla m'mizindani ddanyu ddittheddene ni orama wa ddoocha m'mapuroni mwanyu mutthemwene koma khemwaahokollweelle wa miyaano. Mi Apwiya koollota.

Maliro 2:19

Venyani nave moope ekutho variyaririyari va mahiiyu, llotani ddoonikohini ddanyu ddittheddene vamiitthoni va Apwiya. Tukhullellani matta muddullu ni ovekella wa Apwiyaayo, ekaamba ya okumi wa aniinyu ayo enangomowa ni ettalla m'misewuni ddittheddene.