Yeremiya 14:17 - Mawu a Mulluku

¹⁷ Apwiya yaakilamula wi kaalleelle athu dda ethakaraka ddaka wi, “Miitthwaaka eneerovirellella omora miitthori otthaana ni mahiiyu vawi athwaaka ookondiwa aakhalla ni nikhwata nuullupalli, aaphoriihiwa moonanara.

Yeremiya 14:17 ပူးပေါင်းရင်းမြစ်များ

Yeremiya 8:21

Kinniiwa ovoreya ekaamba ya ddoohoosa dda athwaaka, kinninlla, ethakaraka ddookiphara.

Maliro 2:13

We mwaana aamutthiyana, Yerusalemu, kinaallotettho tini dda weyaano apaalle wuuphwanaphwaniha ni tini? We mwaana aamutthiyana, Ziyoni, ethiyo kinuuphwanaphwanihe ni aani wi kuuhakallallihe? Vawi woonongeya wawo tti wuullupalli wonanko enyanja, ttaani anaawore wuuchiriha?

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Mika 6:13

Sika kohaamba wuullakani ni owoonongani ekaamba ya machimwaanyu.

Maliro 2:18

Inllellani mookhuwa wa Apwiya, nyu mipanda dda anamwani aatthiyana, Ziyoni. Miitthori ddanyu ddiitheye, wonanko maaddi, otthaana ni mahiiyu. Muhikhalle ni enthawi yawiithuuwa, miitthori ddanyu ddihumme.

Yeremiya 10:19

Arive muthu a o Yerusalemu aakhuwa wi, “Otulli, nikhwata naka tti nawoopiha! Nikhwata naka tti noomoriha ethakaraka, keesa wi nngu sika ollakiwa waka, sika kineerovillella.

Yesaya 37:22

kinallota dda olliye wi, ‘We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Masalimo 39:10

Kivenyihelleni muwashullo, kookokhowa ekaamba ya okiwashulla wanyu.

Amosi 5:2

“Namwalli Israele oomora, khavenyattho, ootathilliwa nave ootiwalliwa va ellapwaaye, khaavottho anaamuvenyihe.”

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Yeremiya 8:18

Okhupanya waka tti woohimalla, murimaaka woofooka.

2 Mamwene 19:21

Voomuvaanyihani mwenooyo Apwiya yaallota wi, “We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Yeremiya 9:18

Athu enallota wi, “Ewe mwawaakuva eninllelle wi m'miitthoni mwahu mumore miitthori, ekwikwi ddahu ddinaane.”

Yeremiya 18:13

Apwiya enallota wi, “Akohe athu a mitundu ddimodda ddittheddene, aarimi arivo oyo aambilleke wiiwa ddenndda. Israele olle aari wonanko namwalli, oheera yoonanara wunchichi.

Maliro 2:11

Miitthwaaka aatopa ni winlla, murimaaka woohoowa wunchichi. Murimaaka wooddalla ni ethakaraka, ekaamba yawi athwaaka ahoonongeya. Anamwani ni avanipelleniine enimangomowa m'misewuni dda m'mizindani.