Yeremiya 14:14 - Mawu a Mulluku

¹⁴ Koma Apwiya yaakaakhulla wi, “Ddawi anamallotellaayo ennallotella mu nnddina naka tti ddawoottha. Ngaatthoollille apaalle waaruma apaalle ollota ni alliwaayo. Alliwa enallotella ddawoottha nnddo eneeriiwa eddoonille m'masomphenya. Enoombesa mwawoottha, nnddo enallotiiwa tti dda m'muruni mwiwa.

Yeremiya 14:14 ပူးပေါင်းရင်းမြစ်များ

Ezekiele 12:24

Enthawi yeeyo khokhallattho ddawooneya m'masomphenya awoottha. Khokhallattho woombesa wowaahollosa Aisraele.

Yeremiya 29:31

“Orumihe othenga wa akaporo attheene waalleelle mawu a Apwiya oollota dda Shemaya a o Nehelamu wi, ‘Shemaya ohuullotellani naari miyaano ngaamurumalle nave ohuullekani wi mukhulupilileke ddawoottha.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Ezekiele 21:29

“Nnddo enaddooniiwa m'masomphenya tti ddawoottha navettho makhanga enoombesiiwa tti oolleka. Muneerokhalla nimodda ni athu oonanara ayo nllapo niwa niphiyalle, ollakiwa wiwa woomallihella.

1 Timoteo 4:2

Ehuddiho ddennddo ddinavuwihiwa ni oohoollosa awoottha ayo yawuupusella murimiiwa tti yookhwa wonanko yoosiwe ni musivello.

Zekariya 13:3

Nave mmodda aphwanyeya oopaalla wi allotellekeve, attiitthinnya ni amennya oomuyara eneeromulleella wi, ‘Ohikhallettho ni okumi kaambiiwa onallota ddawoottha mu nnddina na Apwiya.’ Sika makhollwaaye eneeromuhoma olliye allotellaka.

Zekariya 10:2

Vawi aterafimu enallota ddoolleka nave awoombesa makhanga enoona ddawoottha. Oottaphullella olloha ennuuhollosani nave enuullipihani murima nivuddo. Sika athu enneeteeta nngu ni nngu wonanko enkhosa yoohikhalla ni mbusa.

Ezekiele 13:23

“Sika ekaamba ya yeella khamoonattho masomphenya awoottha nave khamoombesa mowaahollosa. Kineerewaavullusa athwaaka m'mattani mwanyu. Vano muneerodduwella wi mi tti Apwiya.”

Yeremiya 37:19

Ethiyo eri wuuwi anamallotellaanyu alle yuullotenlleni wi mwene a o Babiloni khawa uuhellani ekhoto nyuwaano ni ellapwaanyu?

Yeremiya 29:21

“Apwiya Amasiva Mattheene, Mulluku a Israele, aallota mawu a dda Ahabu mwaana a Kalaya ni a Zedekiya mwaana a Maaseiya oyo uullotellani ddawoottha munnddina na Apwiya. Alliwa eni eneerewaavelleella m'mattani mwa Nebukadinezara mwene a o Babiloni nave olliye aneerowiiphani nyuwaano moonaka.

Yeremiya 28:15

Vano Yeremiya aamulleella Hananiya wi, “We Hananiya, ngiiwa! Apwiya kheyuurumalle koma onaaroromelliha athwaalla ddawoottha.

Yeremiya 28:13

“Khawe wamulleelle Hananiya mawu a Apwiya wi, ‘Winttakille nigoli namuteekho, munipuroni mwiwa kinaahiyemo nigoli namukoko.’ ”

Yesaya 9:15

Attekweene ni oovuwa sika muru nave anamallotella oohuddiha ddawoottha sika mwiilla.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Yesaya 56:10

Alliwa enallota wi, “Oohoollella attheene a Israele tti oohoona, attheenaayo khenna ezeru. Tti wonanko anapwa ookarangeya, oohiwora wuuwa koma enakhallella olloha, okonaatthi ni oddivelliwa ekhove.

Yeremiya 8:11

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 20:6

Nave we Pashuri ni attheene a munibanjani nawo eneerewuupharanittho okaporo wuuyaanani o Babiloni. Munaakhwelle ni ovitthiwa wenko, weyaano ni akhwaawo ayo waallotelleewe ddawoottha.’ ”

Yeremiya 28:11

Ahaalleella athu attheene wi, “Apwiya enallota wi mmu sika kinaawinttakelleemi nigoli na okaporo na Nebukadinezara mwene a o Babiloni. Kineeronivenyihamo munikohini mwa athu a mitundu ddittheddene ddihinamalle miyakha miilli.” Vano namallotella Yeremiya aavenyavo.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Ezekiele 13:2

“We mwaana a muthu, ollotelle ddawaahumullulla Aisraele ayo enallotella dda m'muruni mwiwa nave waalleelle wi yiiwe mawu a mi Apwiya.