Yeremiya 14:12 - Mawu a Mulluku

¹² Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 14:12 ပူးပေါင်းရင်းမြစ်များ

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Miyambo 1:28

Muneerekokiithana koma ngiwaakhullakani. Muneerekokaashaashesesa koma khamukiphwanyaka

Zekariya 7:13

Vawi kheyaakaapenlle maaru kawiithanilleemi, miyaanottho ngaawaapenlle maaru yakiithaniiwa. Mi Apwiya Amasiva Mattheene koollota

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Yesaya 58:3

Athu enakoha wi, “Ethiyo ninahallella tini vawi nyu Apwiya khamunoona? Ethiyo niniikatamihella tini vawiiyevihani vawi nyuwaano khamunapwathawo.” Apwiya enallota wi, “Ollota ddawoona, nllapo nne munahalleenyu ocha, munaashaasha ddeko nnddo ddinuuvaheni mphuro nave munnaahoosa allupa muttekwaanyu attheene.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Yobu 27:9

Ethiyo Mulluku ttuuwiiwa winlla waye ddookatamiha ddammorella?

Yeremiya 8:13

“Kaapaalla wi kaatthukumanihe athwaaka wonanko oollima anatthukumanihelleeye ddoohata koma tti wonanko mpesa woohimma echipaso, wonanko muteekho wanamukuyu woohimma namukuyu wawi naari makukhu aanyaalla. Sika vano, koowaakhullella athu eelleto wi yaakhe ellapo.”

Yeremiya 21:6

Kineerowiipha ookhalla m'muzindoolla ni eziweto ddene, ddittheddene ddineerokhwa ni mullilli wawoopiha.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Ezekiele 14:19

“Mwaamodda kaarumihe mullilli o ellapo yeeyo ni wooniha owallaaka vawaakhumihani nikhame ni owoononga athu ni enama.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Amosi 5:21

Apwiya enallota wi, “Kinniitana nave kinnanyaambusa ehakallallo ddanyu, mitthukumano ddanyu ddamallapello nginahakallallana.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Malaki 2:13

Nave emodda mweerilleenyu tti yawi moonipwiniha nikuwa na Apwiya ni miitthori, winlla ni woopa ekutho ekaamba yawi khenaakhullella mikutho munavelleelleenyu wa alliwa.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.