Yeremiya 13:9 - Mawu a Mulluku

⁹ “Mmu sika kinoonongelleemi wiitukhulla wa Yuda ni wiinyarulla wa Yerusalemu.

Yeremiya 13:9 ပူးပေါင်းရင်းမြစ်များ

Levitiko 26:19

Kineerowoononga masiva munakotellaanywaayo nave kineerotthattusa mirapo wi ddikhalle ddawumma navettho ethayaanyu wi ekhalle wonanko nlluku.

Zefaniya 3:11

Nyu athu a o Yerusalemu, nllapo nenno khamuwa muwulliwattho muru, ekaamba ya ddoonanara ddittheddene mwakiwukilalleenyu. Vawi enthawi yeeyo kineerewuuvenyihellani, attheene awiitukhulla ni awiinyarulla. Khamuwa mweerattho ddawiitukhulla ddanyu, va mwaangwaaka waweella.

Yesaya 23:9

Apwiya Amasiva Mattheene sika yasimikizalle ddenndda wi emallihe okota waye ni waakitthiha athu attheene oovahiwa olemu a vatthimva.

Miyambo 16:18

Okota onnahoollella woonongeya nave wiitukhulla onnawiiha omora.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Nahumu 2:2

Vihanlle vang'ono wi Apwiya ehokollose ooriiheya wa Israele wonanko mmo wakhallelliiwa khalle, adani ehinaakhe ddeko ddittheddene ni woononga mipesa ddiwa.

Ezekiele 16:56

Ethiyo khewaamunyaambusa mung'onong'onwaawo Sodomu enthawi wiitukhulleseewe

Ezekiele 16:50

Aaniitukhulla wunchichi aneera ddoonanara vamiitthoni vaka. Sika ekaambiiwa kawoonongilleemi koonille.

Yeremiya 48:29

Nohiiwa dda wiitukhulla wa Mowabu. Olliye tti awiitukhulla, awiinyarulla, awiiwa ddaayeve nave tti awiitukhulla wunchichi.

Yesaya 16:6

Athu a o Yuda enallota wi, “Nohiiwa dda wiitukhulla wa Amowabu vawi enniitukhulla wunchichi. Wiinyarulla wiwa, okota wiwa, osimbwa wiwa ni wiiriiha wiwa, ddittheddene khaddinna mutteko.”

Yeremiya 13:8

Apwiya yaakilleellattho wiilli wi,

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.