Yeremiya 13:19 - Mawu a Mulluku

¹⁹ Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”

Yeremiya 13:19 ပူးပေါင်းရင်းမြစ်များ

Yeremiya 52:27

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Yeremiya 52:30

Va muyakha wa 23 wa omwene wa Nebukadinezara, Nebuzaradani muullupalli a alonda akhoto ahaakusa okaporo Ayuda 745. Attheene vamodda ookusiwa okaporo yaari 4,600.

Yeremiya 39:9

Voomallihellani Nebuzaradani, muullupalli a alonda akhoto ahaapharella wuukaporoni o Babiloni athu attheene oohalla m'muzindani ni ayo yiivelleelle wa olliye.

2 Mamwene 25:21

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

Yeremiya 33:13

O mizinda dda omiyaangoni, dda omataponi, dda omwera, dda o echigawo ya Benjamini, dda o echigawo yawaapheella Yerusalemu ni o mizinda dda Yuda enkhosa ddineeroyattho vamiitthoni va muthu ooddeerengella. Mi Apwiya koollota.”

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 17:26

Athu eneerekovenyera o mizinda dda Yuda ni echigawo ettheene yawaapheella Yerusalemu, echigawo ya Benjamini, yamatapo, yamiyaango ni yoomwera, ekusalle mikutho ddooshellelliha, mikutho dda ddoocha, mikhutho ddalubani* ni mikutho ddoothokozella, oyaana o enyumba ya Apwiya.

Yobu 12:14

Akumulla, khaavo oomakattho. Amuwallella muthu mundende, khaavo oomuhullella.

Yoswa 18:5

Ekawe ellapweeyo ezigawo dditthanu ni piilli. Yuda akhalle mu ellapwaaye ya omwera nave Yosefe akhalle mu ellapwaaye ya ompoto.

Deuteronomo 28:15

Koma mwaahiwiiwellella Apwiya Mullukwaanyu nave mwaahithwara malamulo ni malangizwiiwa mattheene kinawinnyeemini ollellova muneerotembeleliwa.

Yeremiya 32:44

Athu eneerokulla emata ni makobiri. Makalata eneerosayiniwa ni omarelliwa nave vineerokhalla omboni o echigawo ya Benjamini, o echigawo yawaapheella Yerusalemu, o mizinda dda o Yuda, dda omiyaangoni, ddootapo ni ddoomwera. Ddawoona, kineerewaahokollosella ddaphaama ddiwa. Mi Apwiya koollota.”

Maliro 1:3

Athu a o Yuda aaya wuukaporoni woohoosiwa wi yaphare mutteko woovoriiha mwiilli. Enakhalla mu ellapo dda athu a mitundu ddimodda, khenna nipuro nowiithuwellavo. Attheene oowiikariha ennaaphwanya, vawi aapaneya wunchichi.

Zekariya 7:7

Alla tti mawu yallotille Apwiya oweella mwa anamallotella akhalle valle Yerusalemu aatilleeye ni athu nave aariiye va murendelle vamodda ni mizinda ddimodda ddawaapheella o ezigawo dda omwera ni o ntapo.

1 Epilli 9:1

Vano Aisraele attheene yaalembana mu nibukhu na epilli ya mamwene a o Israele voothwarani mibado ddiwa. Athu a o Yuda yaaphariwa okaporo oya o Babiloni ekaamba yawi yaari oohiroromelleya.

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Yeremiya 52:28

Yaalla tti athu ayo Nebukadinezara aapharilleeye okaporo. Va muyakha waneetthanu ni piilli wa omwenaaye yaari 3,023.