Yeremiya 13:16 - Mawu a Mulluku

¹⁶ Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yeremiya 13:16 ပူးပေါင်းရင်းမြစ်များ

Yesaya 59:9

Athu enallota wi, “Ekaamba ya yeella, echiweruzo yoonirekamella nave echilungamo khenaniphwanya. Ninnaashaasha owala koma ninaphwanya epiphi, ninnatiyerella wi weelle koma nineeta mwiipiphini.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Yesaya 60:2

Epiphi eneerokhuneella ellapo yavatthi, epiphi yawoopiha eneeromorella va athu a mitundu ddimodda. Koma Apwiya eneerewuuwalella, ntitimiho niwa nineerewooneyella.

Yesaya 5:30

Nllapo nenno eneerothuruma wonanko enyanja. Nave mmodda voowehani ellapweeyo anoone epiphive ni ddookatamiha vawi naari owala oneerotthattuwa epiphi ekaamba ya mirapo.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Yeremiya 23:12

Ekaamba ya yeella ettilla ddiwa ddinaakhalle ddoottherenya ni ddeepiphi. Kineerewaakwakwatuwiha ni waakuha vawi kineerewaawiihella ddoonanara va enthawi ya ollakiwa wiwa. Mi Apwiya koollota.

Yeremiya 4:23

Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Masalimo 44:19

Komave nyuwaano mooninyenya, moonihiya variyari va akhatwe muhakani ni onihuruwella ni epiphi yawoopiha.

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.

Eksodo 10:21

Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.”

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Yeremiya 14:19

Apwiya, ethiyo athu a o Yuda mohaatathilla? Ethiyo athu a o Ziyoni ennuunanarani mwaawoonaka? Kaambiiwa tini munoonongilleenyu mwawi ddiidda ophiyera wi khaninaworattho ochira? Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Yeremiya 8:15

Natiyerella murendelle koma ddeko khaddineetenlle phaama. Natiyerella ochira koma nakumanne ni ddawoopihave.

Oollalleya 11:8

Muthu akhalla a miyakha ddinchichi ahakallallelleke miyakha ddittheddenennddo. Koma uupuwelleke wi mallapo oowa vatulli va okhwa waye tti manchichi. Ddittheddene ddinawanndda tti ddoohikhalla ni mutteko.

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Masalimo 107:10

Amodda yaakhalla mu epiphi ni m'muuthuuchini wa okhwa, yaari a mundende oohoosiwa ni onyolo.

Masalimo 107:14

Apwiya yahaakhumiha athwaayo mu epiphi ni omuuthuuchini wa okhwa, yaaphadda onyolwiiwa.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yeremiya 6:21

Sika vano athu yaalla kineerewaahiyera ddookwakwatuwiha. Makhollo ni anamwaniiwa eneerokhwa, awaattanana ni awaatamanana eneerewoonongeya.”

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Ezekiele 21:15

Athwaaka eneerotathilla murima ni omora. Kohaakhozera nsupada noonyezimilla. Nineerosherima wonanko ettari nave koonirumiha o mizinda wi niwiiphe.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Ezekiele 36:15

Ngaakhullellattho wi wiiwe ovevulla wa athu a mitundu ddimodda apaalle khowa ovillella onyemulla wiwa nave khowa waakwakwatuwiha athu a mu ellapwaawo. Mi Apwiya Mulluku koollota.”

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Amosi 5:18

Otulli wa nyu munanikhallella munkhella nllapo na Apwiya! Ethiyo munaaphurena tini nllapo nenna? Ninaakhalle nllapo neepiphi ohiri noowala.

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Yesaya 59:10

Ninnaapapella esiri wonanko oohoona, wonanko oohikhalla ni miittho. Ninnakwakwatuwa otthaana wonanko misikuwa. Ddawoona, niri akumi komave niri wonanko ookhwa.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.