Yeremiya 13:14 - Mawu a Mulluku

¹⁴ Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yeremiya 13:14 ပူးပေါင်းရင်းမြစ်များ

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Masalimo 2:9

Oneerewaanyenya ni ekopwaawo ya mukoko ni waakhaddulla enyenyeri enyenyeri wonanko epalli.’ ”

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”

Yeremiya 6:21

Sika vano athu yaalla kineerewaahiyera ddookwakwatuwiha. Makhollo ni anamwaniiwa eneerokhwa, awaattanana ni awaatamanana eneerewoonongeya.”

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Mariko 13:12

Athu eneerewaakusa yaavelleelle asinniwa wowiiphiwa nave attiitthi eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Mateyu 10:21

“Athu eneerewaakusa yaavelleelle asinniwa wowiiphiwa ni attiitthiiwa eneereweera emoddamoddave yeeyo wa aniiwa. Nave anamwani eneerewaawukila makhollwiiwa wi ewiiphe.

Ezekiele 24:14

Mi Apwiya koollota ddenndda. Ddinimawa nave kineeroddeera. Ngihokollweella mutulli. Nguuhiya nave nguukhululukella. Kineerewuullaka voothwarani makhallellwaawo ni ddaweera ddawo. Mi Apwiya Mulluku koollota.”

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

Ezekiele 9:5

Vatulli viwa kaamwiiwa Mulluku aalleellaka amoddaalle wi, “Muthwareni mu muzinda muttheene mwamwiiphe arive muthu. Muhinamumorella ethakaraka apaalle omweerella echifundo arive muthu.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Ezekiele 7:9

Ngiweerellani echifundo apaalle wuumorellani ethakaraka. Kineerewuullakani ekaamba ya ddaweera ddanyu navettho ekaamba ya ddoonanara nnddo ddiri va nyuwaano. Vano muneerodduwella wi mi tti Apwiya ayo enuullakani.’ ”

Ezekiele 7:4

Ngiweerella echifundo apaalle wuumorellani ethakaraka. Kineerewuullaka ekaamba ya ddaweera ddawo navettho ekaamba ya ddoonanara nnddo ddiri va weyaano. Vano oneerodduwella wi mi tti Apwiya.”

Yeremiya 48:12

“Sika vano chenjerani vawi enimawa mallapo ayo kinaarumeemi athu awi ammimine Mowabu wonanko vinyo. Vatulli viwa mino ddaye khaddikhalla ni ello, ddineeropwesiwa.

Yeremiya 47:3

Eneerewiiwa mukhito wa akavalo oothamaka, eneerewiiwa onyakulla wa magareta ni winlla wa magudumu. Makhollo kheyaapwatha aniiwa, eneerorama yaweera.

Yeremiya 16:5

Apwiya enallota wi, “Ohivollowe mu enyumba ya maliro. Ohivollowemo wi winlle apaalle waakhurumusa murima athu vawi koowaakha murendellaaka, echikondaaka yoohisintheya ni echifundwaaka.

2 Epilli 20:23

Aamoni ni Amowabu yahaawukila athu a o mwaango wa Seiri nave yahaagonjiha. Vatulli viwa yahaamba wiiphana anayaayove.

1 Samuele 14:16

Alonda a Saulo a o Gibea, echigawo ya Benjamini yahoona mulloko wa adanaalle opallalleyellaka nngu ni nngu.

Yobu 27:22

Ennamoopa moohimmorella ethakaraka olliye vaweeseesani othawa mwawaakuva.

Yeremiya 15:5

Apwiya enallota wi, “Ethiyo ttaani anuumorelle ethakaraka we Yerusalemu? Ethiyo ttaani anuurukunuwelleni uupwatheni? Ethiyo ttaani anaawuupwatheni?

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Hoseya 2:4

Anaaye attheene ngaamoriwella ethakaraka ekaamba yawi tti ooyariwa mooraruwa.

Zekariya 11:6

Apwiya enallota wi, “Sika ngiwa kimmorella ethakaraka arive muthu a va ellapo yavatthi. Kineeromvelleella arive muthu wa oohoollellaaye ni wa mwenaaye. Nave alliwaayo eneerotthollosa ellapo ettheene koma miyaano ngimuvullusa arive muthu m'mattani mwiwa.”

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 25:16

Yawirya, eneerewaamba ohahareya nave eneerotthattuwa aanepa ekaamba ya ekhoto eyo kinaarumiheemi variyari viwa.”

Ezekiele 7:3

Vano omalla ori va weyaano Israele. Kineeromorihella osha murima waka va weyaano. Kineerokamulla mullatwaawo moollikana ni meetellwaawo nave kineerewuullaka ekaamba ya ddoonanara ddawo ddawaata.