Yeremiya 13:11 - Mawu a Mulluku

¹¹ Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”

Yeremiya 13:11 ပူးပေါင်းရင်းမြစ်များ

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Masalimo 81:11

Koma athwaaka kheyaawiiwellelle mawaaka, nave Israele aakivevulla.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yeremiya 32:20

Nyuwaano mwaheera ezizindikiro ddoottikhiniha ni mitteko ddoorurumusa o Iguputo. Nave munnaddeera ophiyera ollello, variyari va Aisraele navettho va athu attheene. Sika moovuwiha nnddina nanyu ophiyera ollello.

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Yeremiya 7:26

Koma nyuwaano khemunakiiwellella apaalle opwathawo. Ni mirima ddanyu ddawummannddo moonanara waakhwaranya makhollwaanyu.

Yeremiya 6:17

Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Masalimo 147:20

Kheyaaweerille nndda wa athu a mitundu ddimodda sika kheyaadduwella malangizwiiwa. Aleluya!

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

Deuteronomo 26:18

Ollello Apwiya aawaakhellani monga athwiiwa moollikana ni mmo yuulonjezelliiwani vaavove mwasunga malamulwiiwa mattheene.

Deuteronomo 4:7

“Ethiyo tti mutundu muullupalli oovi oyo ori ni milluku ddookhalla vakhuviru ni alliwa wonanko mmo Mullukwaahu anakhallelleeye ni hiyaano? Vawi erive enthawi namwiithana olliye annanaakhulla.

Luka 10:11

‘Naari nthupi noovenyera mu etawoni mwanyu nowaangellella m'manyalloni mwahu nohuuttatthellani. Koma dduwellani wi omwene wa Mulluku woowaatamellani!’

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 7:24

Koma kheyiiwellenlle naari waapella maaru nave yaavirellella okhalla awumma murima ni oothwara murimiiwa woonanara. Yawehille dda mutulli ohiri ddamuhoollo.

Yeremiya 13:1

Apwiya yaakilleella wi, “Khawe wakulle wa ekuwo yabafuta wamakelle muyuununi koma ohiyiruweye m'maaddini.”

Yeremiya 13:12

Apwiya yaakilleella wi, “We Yeremiya, khawe waalleelle athu a o Israele wi orive muno oddallihiwe ni vinyo. Alliwa eneerewaakhulla wi, ‘Ninnadduwella phaama wi orive muno oddallihiwe ni vinyo.’

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Deuteronomo 26:19

Mwawi ddiiddo mu othokoza, oriiheya ni ovuwa eneerewuuwellihani okhwaranya mitundu ddimodda ddittheddene dda va ellapo yavatthi nnddo yaddiphatusalliiwa nave muneerokhalla athwiiwa aweella moollikana ni mmo yalonjezelliiwa.”

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”