Yeremiya 13:10 - Mawu a Mulluku

¹⁰ Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Yeremiya 13:10 ပူးပေါင်းရင်းမြစ်များ

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Yeremiya 13:7

Sika kaaya o Yufurate nave kaakata vanipuroni kayivitthalleemi nave kaayikusa. Koma kahoona wi yahoonongeya nave kheyaarittho ni mutteko.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 11:18

Apwiya yaakuupullullella nave kaadduwella vawi yaakoonihella mitteko ddittheddene ddoonanara dda athwaayo.

Yeremiya 8:5

Vano kaambiiwa tini athu alla enavirellelliiwa ochimwa ohihokollowattho? Yohummellella ddawoottha, enimakhoota ohokollowattho.

Yeremiya 5:23

Koma nyuwaano tti awumma murima ni oowukila. Moohollowa ni okihiya miyaano.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Yeremiya 44:16

“Hi khaaniiwellella nnddo onilleelleewe mu nnddina na Apwiya.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Yeremiya 9:13

Apwiya yahaakhulla wi, “Ekaambiiwa tti yawi athwaaka yaatathilla malamulwaaka ayo kaavahilleemi nave kheyiiwellenlle ni othwara mawaaka.