Yeremiya 12:4 - Mawu a Mulluku

⁴ Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yeremiya 12:4 ပူးပေါင်းရင်းမြစ်များ

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 4:25

Kaaweha nave ngaamonille naari muthu mmodda, epallame ddittheddene ddooddullu ddaathawe.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Aroma 8:22

Vawi ninnadduwella wi ophiyera vano ddoophatusiwa ddittheddene ddinniipullella ekaamba ya ovoreya, ovoreya wene wonanko mutthiyana aayaraka.

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Yeremiya 5:13

Yaallota wi mawu a anamallotella enaavireke wonanko ephevo, othengiiwa khonavenyera wa Apwiya nave ddittheddene yallotiiwa ddaamorelle.

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Masalimo 50:21

Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.

Yeremiya 12:11

Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Yowele 1:18

Eng'ombe ddiniminlla ni ettalla, ddinimoona weeteeta ekaamba yoorama munyepu naarittho enkhosa ddinimahoowa.

Amosi 1:2

Amosi aallota wi, “Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu. Munyepu onimanyaalla, manasi a vamwaangoni wa Karimele enimumma.”

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

Yesaya 24:4

Ellapo eniminlla ni onyaalla. Ellapo ettheene yavatthi enimahoowa ni wumma nave athu oovuwa a va ellapo yavatthi aafooka.

Yesaya 24:6

Sika Apwiya aatembelela ellapo yavatthi nave athu ennahoowa ekaamba ya machimwiiwa. Alliwa yoomallihiwa nave oohalla tti ooyeva.

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”