Yeremiya 12:3 - Mawu a Mulluku

³ Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Yeremiya 12:3 ပူးပေါင်းရင်းမြစ်များ

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Yakobo 5:5

Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Masalimo 139:23

Nyu Apwiya, ashaashani wi mudduwelle murimaaka, keeseni wi mudduwelle maganizwaaka.

Masalimo 26:1

Nyu Apwiya, kamullani wi ngilakwille moollikana ni echilungamwaaka vawi miyaano tti oohilakwa, kohuuroromellani moohikayika.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yeremiya 51:4

Aneerophoriihiwa ni okhwella virive veko m'misewuni dda m'mizindani ddiwa.

Yeremiya 48:15

Yawoononga Mowabu ni mizinda ddaye oophiya, asombwaaye akitthi eneerewiiphiwa yiiphiwe. Mi mwene, Apwiya Amasiva Mattheene, koollota.

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Yobu 23:10

Koma annadduwella meetellwaaka, kineerokhalla wonanko golide akeesa.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

2 Petro 2:12

Nave athu yaalla eneera ni ezeru ddooyariwana, wonanko enama ddamuhakani nnddo ddaayariwe wi ddiphariweke ni wiiphiwa, enallotella epewe erive ello ehiniiwesesiiwa. Eneerewoonongiwa wonanko enama ddamuhakani,

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Yeremiya 17:16

Koma Apwiya mi nguuwatihereni wi muweena ddoohoosa. Munnadduwella wi nllapo na otulli nginanikhallella munkhella nave ddittheddene nnddo kallotilleemi munnaddidduwella.