Yeremiya 12:16 - Mawu a Mulluku

¹⁶ Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yeremiya 12:16 ပူးပေါင်းရင်းမြစ်များ

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Zefaniya 1:5

Kineerowoonongattho ayo enakokhora vaddullu va enyumba ddiwa enallapella nndduwa, mweeri ni etheneeri. Kineerowoonongattho ayo enaallapella Apwiya enallupella mu nnddina niwa, nngu ellupellaka mu nnddina na Milikomu.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Yesaya 65:16

Mwawi ddiiddo ooveka madaliso apaalle ollupella mu ellapweeyo aneereke ddennddo wa Mulluku awoona ekaamba yawi ddoohoosa ddaye ddakhalle ddootiwalliwa nave ddoovenyihiwavo vamiitthoni vaka.’ ”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 45:23

Killupenlle mu nnddina naakave, eyanwaaka ellotille ddawoona, mawu oohisintheya awi, ‘Nirive nikuttha nineerokikokhorella, athu attheene eneerollupella vooromollani nnddina naka.’

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

Aroma 14:11

Mawu a Mulluku enallota wi, “Apwiya enallota wi, ndithu kinimallupella wi, Nirive nikuttha nineerokikokhorella, arive muthu aneerewaakhullella wi miyaano tti Mulluku.”

Nchipo na Solomoni 1:8

We ooreeresesa variyari va anamwalli attheene, ethiyo khonadduwella nipuronno? Khullamathwara mphitto wa eziwetonnddo nave ochiheke epuri ddawo vakhwipi ni misasa dda abusaayo.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Rute 3:13

Kona weewuno mahiiyu vano. Ohinase olliyooyo uutthella ddaphaamave koma ahipaallaka, miyaano kineerewuutthella. Kinimallupella vamiitthoni va Apwiya Ookumi. Kona ophiyera ohinase.”

Yesaya 42:6

“Mi Apwiya koowiithana wi okeraatthihe echilungamo. Kohuuphara nnatta ni wuusunga, kohuutthoolla wi okhalle echipangano wa athu, okhalle owala wa athu a mitundu ddimodda.

Yeremiya 5:7

Apwiya enallota wi, “Kinuukhululukelleni mwawiidde? Aniinyu yookihiya miyaano, enallepella wa milluku ddawoottha. Miyaano kahaavaha ddoopaalla ddiwa ddittheddene komave yaaddivelliwa oraruwa, yatthukumana mu enyumba dda mahule.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.