Yeremiya 12:15 - Mawu a Mulluku

¹⁵ Komave kaavenyihallevo kineeroweerellattho echifundo nave kineerohokollosella orive mutundu o yoohallaniiwa ni o ellapwiiwa.

Yeremiya 12:15 ပူးပေါင်းရင်းမြစ်များ

Yeremiya 49:6

Koma vatulli viwa kineerewaahokollosellattho murendelle Aamoni. Mi Apwiya koollota.’ ”

Yeremiya 48:47

Komave mallapo a muhoollo Apwiya eneerohokollosellattho murendelle wa Mowabu.” Nndda sika ellotille Apwiya dda nnddo ddinaamweereyelle Mowabu.

Yeremiya 49:39

Komave mallapo amuhoollo kineerewaahokollosellattho murendelle athu a o Elamu. Mi Apwiya koollota.”

Amosi 9:14

“Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.

Deuteronomo 30:3

Sika Apwiya Mullukwaanyu eneerewuuhokollosellani ddaphaama ni oweerellani echifundo. Eneerewuutthukumanihani ovenyera wa mitundu ddimodda dda athu nko yuupallalleselliiwani.

Deuteronomo 3:20

Mwaakavihere Aisraele akhwiinyu ophiyera awiithuuwihalle mwiillaponi eyo Apwiya enaawaavahiiwa o ekhopella emodda ya Yordani. Vatulli viwa arive muthu aneerohokollweella o echigawo eyo kuukawenlleemini.

Numeri 32:18

Khanihokollweella owanihu ophiyera arive Muisraele aakhenlle nipuro wi nikhalle yoohallanaaye.

Mitteko 15:16

‘Apwiya enallota wi, ddamalla ddenndda kineerohokollowa, kihokolloselle omwene wa Davide oyo wakumuwalle wonanko enyumba. Kineeromakattho mwakumulliwemmo nave kineeroweeriha wi okhalle woollipa.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 3:17

Enthawi yeeyo Yerusalemu aneeroromolliwa ‘Mpando woomwene wa Apwiya.’ Nave mitundu ddittheddene dda athu ddineerotthukumana wenko vamiitthoni va Apwiya. Khewa ekhalla awumma murima ni othwara murimiiwa woonanara.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Daniele 11:4

Koma omwenaaye ori variyari, oneerewonongeya nave oneerokawaneya vasese. Khollapuwella o edduullu ddaye nave oovollowa munipuroni mwaye khekhalla ni masiva oollikana ni a olliye. Omwenaaye oneerotulliwa ni misisi ddene ni ovelleelliwa wa amodda ohiri wa alliwaalle.

Yeremiya 16:15

Koma eneereke wi, ‘Vamiitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”