Yeremiya 12:13 - Mawu a Mulluku

¹³ Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Yeremiya 12:13 ပူးပေါင်းရင်းမြစ်များ

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Mika 6:15

Muneerekewaalla koma khamuhataka. Muneerekeweeka makhura a olivi koma khamwiihellaka. Muneerekovota mpesa koma vinyweene khamumullawihaka.

Deuteronomo 28:38

Muneerewaalla ddinchichi koma munaahateke vang'ono kaambiiwa middope sika ddinaacheke.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Levitiko 26:16

kineeroweerellani ddawoopiha moorurumusa, ereta ddoohichiriheya navettho ereta yooviha mwiilli yawoononga miittho ni yoofookiha okumi. Muneerewaalla mmiddo ddanyu koma khamuphuravo ello vawi adanaanyu eneeroddicha.

Habakuku 2:13

Ngoona, mitundu dda athu waddigonjihalleewe ddapharelle mutteko nivuddo, erive ello emakilliiwa tti wonanko ekhuni dda viikho. Apwiya Amasiva Mattheene sika yeerille ddenndda.

Yeremiya 4:26

Kaaweha nave ellapo ya ethaya yaphaama yaatthattuwa echipululu, mizinda ddiwa ddittheddene khemwaari erive ello ekaamba ya osha murima wa Apwiya.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

Levitiko 26:20

Ollipihella mutteko wanyu khophuraka ello vawi khamuhataka ello nave miteekho ddanyu khaddiimmaka ezipaso.

Yeremiya 9:5

Arive muthu anamoottottha mukhwaaye, khanallota ddawoona. Eyano ddiwa yaaddiddollweelliha woottha, ennaddivelliwa wunchichi ddoonanara sika wi kheworattho olapa.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Masalimo 78:62

Ahaakhullella wi athwaaye yiiphiwe okhotoni, kaambiiwa aashella murima yoohallanaaye.

Hoseya 8:7

Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.

Hagai 1:9

“Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.