Yeremiya 12:11 - Mawu a Mulluku

¹¹ Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Yeremiya 12:11 ပူးပေါင်းရင်းမြစ်များ

Yeremiya 23:10

Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Yeremiya 19:8

Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 6:8

We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Yesaya 57:1

Oolungama ennakhwa nave khaavo anapwathawo. Athu oororomelleya ennaphariwa nave khaavo aniiwesesa ekaambiiwa. Athu oolungama ennavenyihiwavo wi otulli ohaamorelle.

Oollalleya 7:2

Oya omalironi tti wookhwaranya oya omachellelloni. Vawi okhwa sika mamallihello a athu attheene, vano akumi eganizeke phaama dda ddenndda.

Aroma 8:22

Vawi ninnadduwella wi ophiyera vano ddoophatusiwa ddittheddene ddinniipullella ekaamba ya ovoreya, ovoreya wene wonanko mutthiyana aayaraka.

Levitiko 26:32

Kineerewoononga ellapwaanyu sika wi adanaanyu ayo enaakhalle mwemmo eneerottikhina.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 4:27

Apwiya aallota wi ellapo yavatthi ettheene eneerotthattuwa echipululu komave kheyikokholla.

Yeremiya 4:28

Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

Yowele 1:10

M'matani mohoonongeya ethaya eniminlla, vawi tirigu ohoonongeya vinyo oolepheleya, miteekho dda olivi ddohumma.

Yeremiya 9:9

Ethiyo sika ttuulephela waallaka ekaamba ya ddenndda, ttuuhiwuhokollosella ddoonanara mutundu wawi ddiiddoolla? Mi Apwiya koollota.’ ”

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”