Yeremiya 12:1 - Mawu a Mulluku

¹ Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Yeremiya 12:1 ပူးပေါင်းရင်းမြစ်များ

Malaki 3:15

Koma nineesa wi athu awiitukhulla sika eri oodala. Athu oochimwa ddeko ddinnaweetella phaama mwawi naari emweesille Mulluku kheyiivo enaamorella.’ ”

Masalimo 92:7

Athu oonanara naari ephuweke wonanko manasi, oochimwa ddeko ddiweetelleke phaama, yayiwa tti echiwonongeko yoohimalla.

Masalimo 37:1

Ddihuuvoreye ekaamba ya athu oonanara, ohinapaallaka okhalla wonanko athu oohilungama,

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Yobu 12:6

Enyumba dda anamasikita ddinakhalla mwamurendelle, oomuttatthamulla Mulluku sika ddinateteziwa, ayo enaroromella masiviiwa wonanko tti Mullukwiiwa.

Habakuku 1:4

Malamulo khenna masiva, echilungamo khenaphara mutteko. Oonanara yoowaapheella oolungama, echilungamo yoolepheleya.

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

Masalimo 37:35

Kaamoona oonanara akotaka iitukhullaka wonanko muteekho wa mukunguza wa o Lebanoni.

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Yeremiya 12:6

Naari abalaawo ni a munibanjani mwawo alliwattho ennuulleka, attheenaayo enniiwanana va owiipa mullatu, ohaakhulupilile naari elloteve mawu ooddiva.”

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

Yobu 13:3

Koma kinaallote ni Amasiva Mattheene, kinapaalla killote mullatwaaka ni Mulluku.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Hoseya 6:7

Koma athwaayo aatathilla echipanganwaaka wonanko mmo eerelle Adamu. Sika yaakeerella ddoohiroromelleya.

Yesaya 48:8

Koma eyariwellwaawo khonaddiiweke, eyariwellwaawo khawaaddidduwenlle, waambeella khalle maarwaawo kheyaahulliwe, vawi kaadduwella wi ori namasikita, wi waambeella enamwanaawo yahuuromolla oohiroromelleya.

Yesaya 41:21

Apwiya enalleella milluku wi, “Vano tthopoollani mullatwaanyu.” Apwiya mwene a Yakobo eni, “Velleellani ombonaanyu.

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 119:137

Nyu Apwiya, muri oolungama, echiweruzwaanyu tti yoolungama.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Nehemiya 9:33

Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Masalimo 116:5

Apwiya tti ooreera murima ni oolungama, Mullukwaahu tti eechifundo.

Oollalleya 8:14

Vookhalla ello emodda yoohikhalla ni mutteko eyo eneereya vatthimva. Enthawi emodda athu oolungama ennallakiwa wonanko athu oonanara nave oonanara ennaakhella ddaphaama wonanko aphaama. Kinallota wi ddennddattho khaddinna mutteko.

Yeremiya 3:7

Kaganiza wi amalliha weera ddenndda aneerohokollweella wa miyaano koma khaahokollowille. Vano Yuda, mwanamunne oohiroromelleyoolle, aaddoona ddennddo.

Yeremiya 3:20

Koma ddawoona, wonanko mmo mutthiyana anamuthawelleeye mamune moolleka, we Israele khororomelleye wa miyaano. Mi Apwiya koollota.”

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Yeremiya 32:16

Kimwinnyalle Baruki mwaana a Neriya, makalataalle, kahaamba ovekella wa Apwiya wi,

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Ezekiele 18:25

Koma nyuwaano munallota wi, Haa! Apwiya eneeriiwanndda khe ddoolungama.” Nyu Aisraele, ngiiwani vano. Ethiyo ddaweera ddaka sika ddihiri ddoolungama? Ohikhalla ddaweera ddanyu sika ddihiri ddoolungama?

Yobu 8:17

Misisi ddaye ddinnarapa mookorowanjellana, ddinummellella vamallukuni.

Yobu 24:12

Ayo eri vakhuviru okhwa enniipullella m'muzindani, oophoreya enninllella okaviheriwa, koma Mulluku khanapwatha yoonanara.

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Daniele 9:14

Nyu Apwiya Mullukwaahu, ekaamba ya yeella mwaakhozekella onimorihella otulli yoolla nave woonimorella. Nyu Apwiya Mullukwaahu, muri oolungama va ddittheddene mweerilleenyu komave hiyaano khaniiwellenlle mawaanyu.

Malaki 2:17

Mohaatopiha Apwiya ni ddoollota ddanyu koma munakoha wi, “Naatopihalle mwawiidde?” Mwaatopihalle voollotani wi, “Arive muthu aneera yoonanara tti aphaama vamiitthoni va Apwiya nave alliwa ennahakallallana.” Apaallettho vookohani wi, “Ari wuuwi Mulluku eechilungamo?”