Yeremiya 11:7 - Mawu a Mulluku

⁷ Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Yeremiya 11:7 ပူးပေါင်းရင်းမြစ်များ

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

1 Samuele 8:9

Sika owiiwellelle nnddo enuulleelliiwa. Koma waachenjeze wunchichi nave waalleelle makhallello a mwene anaawaalamulellekooyo.”

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

2 Atesalonika 3:12

Mu nnddina na Apwiya Yesu Khrisitu, ninnaalamula ni waachenjeza athu yaalla wi ephareke mutteko mwawiithaalla nave echeke yoocha yayiwayayiwa.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 25:4

Nyu khamwiiwellenlle apaalle waapella maaru naari Apwiya yahihiyalle wuurumihellani oorumeyellaaye anamallotella.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Deuteronomo 30:20

mwaakonde Apwiya Mullukwaanyu mwiiwellelleke mawiiwa ni waawanddeellella alliwa wi nyuwaano ni edduullu ddanyu mukeraattheye mwiillaponi eyo yallupenlliiwa wa makhollwaanyu, Abrahamu, Isake ni Yakobo.”

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Deuteronomo 8:6

Sika nyuwaano mweereke moollikana ni mmo Apwiya yuulamulalleewani vaweetani mu ettilla ddiwa nave muwooveke.

Deuteronomo 6:2

Enthawi ettheene ya okumaanyu, nyu ni edduullu ddanyu, muwooveke Apwiya Mullukwaanyu nave mwiiwellelleke malamulo ni malangizwiiwa mattheene alla kinuulamuleemini wi enthawi ya okumaanyu erekame.

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

Deuteronomo 4:6

Mwaasungeke ni waathwara nave ella eneerowooniha athu a mitundu ddimodda wi nyuwaano tti athu eezeru ni owiiwesesa phaama ddeko.

Yeremiya 25:3

“Va miyakha 23, waambeella muyakha waneekhumi ni raru wa omwene wa Yosiya mwaana a Amoni a o Yuda ophiyera ollello, mawu a Apwiya yaawa wa mi nave kinnahoowa ni wuulleellani koma khamuniiwellella.

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Yeremiya 35:14

Lamulo na Yonadabu mwaana a Rekabu nno alamunleeye edduullu ddaye wi ehiwe emuwirya vinyo, alliwa aanisunga. Khenamuwirya vinyo ophiyera ollello ekaamba yawiiwellella lamulo na nikhollo niwa. Kookhalla kuuchenjezakani wiilliwiilli koma nyu khemunakiiwellella.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Yeremiya 34:14

Echipanganweeyo yaari yawi miyakha mitthanu ni miilli ddamalla, arive muthu mwa nyuwaano amuttaphulle mu okaporo arive Muheberi oyo iikullihalle wa nyuwaano aphara mutteko miyakha mitthanu ni mmodda. Koma makhollwaanyu kheyaakiiwellelle nave kheyapwathillewo naari vang'ono.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.