Yeremiya 11:22 - Mawu a Mulluku

²² Sika Apwiya Amasiva Mattheene enallota wi, “Kineerewaallaka! Asombwiiwa eneerewiiphiwa okhotoni nave aniiwa aallopwana ni aatthiyana eneerokhwa ni ettalla.

Yeremiya 11:22 ပူးပေါင်းရင်းမြစ်များ

Yeremiya 18:21

Koma vano allakeni aniiwa ni ettalla ni ekhoto. Awariwa ekhalle anaamukhwelle, ehikhallena anamwani. Amamuniwa ekhwe ni mullilli nave asombwiiwa ekhwe ni nsupada okhotoni.

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Yeremiya 44:13

Kineerewaallaka Ayuda ookhalla o Iguputo wonanko mmo kaallakelleemi o Yerusalemu.

Yeremiya 49:26

Sika ekaambiiwa asombwaaye eniikuhellekiiwa m'mathatoni mwaye nave akhotwaaye attheene eneerewoonongiwe nllapo nenno. Mi Apwiya Amasiva Mattheene koollota.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”