Yeremiya 11:20 - Mawu a Mulluku

²⁰ Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Yeremiya 11:20 ပူးပေါင်းရင်းမြစ်များ

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

2 Timoteo 4:14

Alekizandro oohana mikoko aakeerella ddoonanara ddinchichi, Apwiya eneeromullaka moollikana ni mitteko ddaye.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Yeremiya 12:1

Nyu Apwiya kaavaanyanaka ni nyuwaano, ddawoona, awoona munaakhalle nyuwaano, komave kineerewuukhupanyellani dda mullatwaaka. Ethiyo kaambiiwa tini athu oonanara ddeko ddinaweetelliiwa phaama? Ethiyo kaambiiwa tini oolleka enakhalliiwa mwamurendelle?

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Masalimo 57:1

Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.

Masalimo 43:1

“Nyu Mulluku, kamullani wi miyaano ngilakwille, mukiseere vamullatuni vaka ni oohikhulupilila, mukivulluse wa athu oolleka ni oohilungama.

Masalimo 35:2

Kusani ddawiitetezella, akuvani mukikavihere.

Yobu 5:8

Kaariki mi, kaaweromwiithana Mulluku, kaawerovelleella mullatwaaka wa olliye.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

Masalimo 7:8

Apwiya munnaweeruza athu attheene, kamullani mullatu moollikana ni echilungamwaaka, vawi miyaano tti oohilakwa.

Masalimo 58:10

Oolungama aneerohakallalla vawoonani ohokolloselliwa ddoonanara, aneerohuwa manyallwaaye mu nikhame na athu oonanara.

Masalimo 139:23

Nyu Apwiya, ashaashani wi mudduwelle murimaaka, keeseni wi mudduwelle maganizwaaka.

Yeremiya 12:3

Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Ezekiele 11:5

Vano Munepoolle aakiphara akilleella wi, “Ollote wi Apwiya enaallota wi, ‘Nyu a munibanjani na Israele, kinnadduwella nnddo ddiri m'murimani mwanyu.

2 Mamwene 19:14

Hezekiya aamwaakhella kalata ovenyera wa amithengaalle nave aamweerenga. Vaavo aaya o enyumba ya Apwiya amuhiya kalatooyo mwemmo vamiitthoni va Apwiya

Masalimo 7:10

Mulluku sika echishangwaaka, annaavullusa athu oolungama.

Maliro 3:58

Nyu Apwiya, mwaakikavihera va mullatwaaka nave mwahoopolla okumaaka.

Maliro 3:59

Nyu Apwiya, mohoona ohoosiwa waka, sika mukeeruzelle phaama mullatwaaka.

Maliro 3:64

Nyu Apwiya, mwaallake moollikana ni ddoolakwa ddiwa, moollikana ni mitteko yapharilliiwa.