Yeremiya 11:19 - Mawu a Mulluku

¹⁹ Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yeremiya 11:19 ပူးပေါင်းရင်းမြစ်များ

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Masalimo 83:4

Ennallota wi, “Hankoni nitthollose mutundwiiwa muttheene, nnddina na Israele nihuupuwelleyettho.”

Masalimo 31:13

Kinnawiiwa athu enong'onellanaka ddoonanara ddaka, ddawoopiha ddookaapheella virive veko. Ennapangana ddoonanara ddookiwukila eniiwanana wi ekiiphe.

Yobu 28:13

“Muthu khanadduwella mutengo wa ezeru, khenaphwanyeya mu ellapo ya ookumi.

Masalimo 27:13

Kahikhulupililalleke wi koone oreera murima wa Apwiya, mu ellapo ya ookumi, kaaweere tini!

Numeri 1:14

Eliyasafu mwaana a Deuwele a nlloko na Gadi,

Yesaya 38:11

Kaanaganiza wi va ellapo ya ookumeella ngiwa kiwoonattho Apwiya, ngiwa kaahellattho miittho athu a vatthimva.

Yesaya 32:7

Oolleka ettilla ddaye tti ddoonanara vawi anaganizella ddeekuku wi aweerelle echiwembu oohoowa voowoottherani naari ehilakwille.

Miyambo 10:7

Oolungama annadala vawuupuwelliwani koma nnddina na oonanara nineerewunta.

Miyambo 7:22

Vano musombooyo aamuthwara mutthiyanooyo wonanko mmo eng'ombe enayeelliiwa wawiiphiwa apaalle wonanko mmo muthu ookarangeya anamakelliweeye ni onyolo

Masalimo 116:9

Kinneeta vamiitthoni va Apwiya, mu ellapo ya athu ookumi.

Masalimo 109:13

Edduullu ddaye dditthollowe, nnddina niwa nihiiweyettho mu mbado waneepiilli.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Masalimo 142:5

Nyu Apwiya, kinnawinllellani kinnallota wi, “Nyu sika woothawellawo waka, yoohallanaaka mu ellapo ya athu ookumi.

Masalimo 112:6

Vawi muthu oolungama khanatikheya naari vang'ono, khatiwalleya wa enthawi yoohimalla.

Masalimo 52:5

Koma Mulluku aneerewuunyenya wa enthawi yoohimalla, aneerowuuphara ni wuukhumihella otte wa enyumbaawo, aneerewuutulla mu ellapo ya athu ookumi.

Masalimo 35:15

Koma miyaano kakwakwatuwalleemi alliwaayo yaatthukumana ehakallallaka. Ookuukutha yaakuupa, yaakuukutha moohihiyerera.

Yeremiya 26:8

Vano Yeremiya amallihalle ollota mawu mattheene Apwiya yamulamunliiwa wi aalleelle athu attheene, amodda mwa allupa mukutho, anamallotella ni athu yamphara nave emulleella wi, “Onaphwanella wiiphiwa.

Maliro 3:60

Mwahoona mmo yakihokollosellelliiwa, mmo yiiwananelliiwa wi ekeerelle.

Ezekiele 32:24

Wenko wookhalla Elamu ni akhotwaaye attheene ayo eri mu mahame oomwaapheella. Attheenaayo yahiiphiwa vakhotoni. Athwaayo yaakhwa ehinaphaddiwe. Alliwaayo yaanoopiha khalle mu ellapo ya ookumi. Vano ennawulliwa muru vamodda ni ayo eri mu mahame.

Miyambo 24:15

We muthu oonanara, ohiipitthelle nipuro na oolungama, ohitthanyulle vawiithuuwella vaye.

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Hoseya 9:8

Namallotella sika owaachenjeza Aefuremu, athu a Mulluku. Koma namallotellooyo aamureya musampha mu ettilla ddaye ddittheddene nave adanaaye aamwiipitthella mu enyumba ya Mullukwaaye.