Yeremiya 11:17 - Mawu a Mulluku

¹⁷ “Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yeremiya 11:17 ပူးပေါင်းရင်းမြစ်များ

Yesaya 5:2

Aayillima phaama, avenyihamo malluku, aallamo mpesa ddaphaama wunchichi. Aamaka nttattha variyari va emateeyo, aasema moovotellamo mpesa muwarimmo. Aatiyerella wi emateeyo yimme mpesa waphaama koma wimmalle mpesa woonanara.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Ezekiele 17:5

Vatulli viwa yaakusamo mmiddo mwiillaponimmo yawaalla va nipuro na ethaya yaphaama mukhwipi mwa maaddi manchichi. Yaawaalla moollikana ni mmo munaallelliwa muteekho wa nnjalle.

Yeremiya 45:4

Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yeremiya 40:2

Oohoollellooyo aamukusa Yeremiya amulleella wi, “Apwiya Mullukwaawo, yaallota wi eneerewoononga nipuronna.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Masalimo 80:15

muteekho oyo nyuwaano mwanlleenyu ni nnattanatta nanyu, oyo mwawunnuwihalleenyu moollipa.

Masalimo 80:8

Mwaakhumiha mpesaanyu Israele mu ellapo ya Iguputo, mwahiikariha mitundu ddimodda dda athu wi mwaalle mpesooyo.

Masalimo 44:2

Nyuwaano mwahiikariha mitundu ddimodda dda athu, koma makhollwaahu mwahaakeraatthiha mu ellapwiiwa. Nyu mwaahoosa mitundu ddimodda dda athu, koma makhollwaahwaayo mwahaavaha murendelle.

2 Samuele 7:10

Nave kineerewaatthoollella nipuro athwaaka Aisraele nave kineerewaakeraatthiha wenko wi ekhalle ni nipuro nayiwanayiwa wi ehihoowekettho. Nave athu oohilungama khewa yaahoosattho wonanko khalle

Yeremiya 1:14

Apwiya yaakilleella wi, “Nndda ddinattaphullella ompoto oneerovenyera otulli oyo onaamorelle athu a mu ellapo ella.

Yeremiya 7:18

Anamwani enatotella ekhuni, allopwana enaviddeella munllo nave atthiyana enoottowa othu wi emoose buledi wi omuvaha olemu oyo enamweeriiwa mwene aamutthiyana ooddullu. Alliwa enahella mikutho ddaddoowirya wa milluku ddimodda wi ekishihe murima.

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 32:29

Ababiloni eneerowuuhella ekhoto. Eneerowoosa munllo ni owukumulla makamaka enyumba nnddo athu yakishihereewavo murima vawoosani lubani* wa Baala ni voovelleellavo mikutho dda yoowirya wa milluku ddimodda vaddullu viwa.

Yeremiya 32:30

Athu a o Aisraele ni a o Yuda enneera ddoonanara vamiitthoni vaka ni okishiha murima ni mitteko ddiwa ddoonanara.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

2 Epilli 28:25

Aamakattho mapuro oollapellamo milluku ddimodda mu orive muzinda wa Yuda waattatthamulla ni waashiha murima Apwiya Mulluku a makhollwaaye.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 40:3

Nave ddenndda aheera moollikana ni mmo yallotelliiwa ekaamba yawi nyuwaano athu mwahaachimwella Apwiya, khamwaawiiwellelle.

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.