Yeremiya 11:16 - Mawu a Mulluku

¹⁶ Khalle Apwiya yuuphwanaphwanihellani ni muteekho wa olivi wookhalla ni makukhu oobiliwila ni ezipaso ddooreera. Koma vano eneerowoosa ni munllo woonyakulla wonanko ettari nave enthambi ddene ddineeroshellella.

Yeremiya 11:16 ပူးပေါင်းရင်းမြစ်များ

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Masalimo 52:8

Koma miyaano kiri wonanko muteekho mukitthi wa olivi mu enyumba ya Mulluku. Murimaaka onakhalla va echikondaaye yoohisintheya enthawi ettheene.

Masalimo 80:16

Adanaanyu aawuhella munllo, aawuuha, aweheni alliwaayo moonanariwa wi yoonongeye.

Yohane 15:6

Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

Mateyu 3:10

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Masalimo 83:2

Ngoonani, adanaanyu enneera echiwawa, awiitana ni nyuwaano ennuuwukilani.

Yawuupullulla 11:4

Amboni eellaalla sika miteekho miilli dda olivi nave ddoohiyavo enyali piilli ddookhalla vamiitthoni va Apwiya a va ellapo yavatthi.

Deuteronomo 28:40

Miteekho dda olivi ddineerekomella virive veko mu echigawaanyu koma makhuriiwa khemukhallakana kaambiiwa olivooyo aneerekovakareya.

Yobu 8:16

Annunnuwa phaama vanndduwani, enthambi ddaye ddinnarapa m'matani mwaye.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Hoseya 14:6

Enthambi ddaye ddineerorapella wuuteete, aneerokhalla ooreera wonanko muteekho wa olivi, aneerewunkhella wonanko mukunguza wa o Lebanoni.

Masalimo 80:17

Koma ni nnatta nanyu mwahaateteza athu ayo mwaatthoollilleenyu, athu ayo nyuwaano mwawunnuwihalleenyu ni waallipiha wi yuurumeyelleni.

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?