Yeremiya 11:15 - Mawu a Mulluku

¹⁵ Apwiya enallota wi, “Ethiyo nyu ookondiwaaka munaashamo tini mu enyumbaaka vawi moheera ddoonanara ddinchichi? Ethiyo ollupella wanyu ni enama ddoovelleelliwa o mikutho ddanyu ttuuwuutetezani o otullaanyu? Ethiyo ddoonanara ddanyunnddo ttuuwuuhakallallihani?

Yeremiya 11:15 ပူးပေါင်းရင်းမြစ်များ

Miyambo 2:14

Ennahakallalla yaaweeraka ddoonanara nave ennathapella ni mitteko ddoohilungama.

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Yakobo 4:16

Koma vano munnakota ni wiitukhulla. Wiitukhulla wenko tti woonanara.

1 Akorinto 13:6

Echikondi khenahakallalla ni onanara murima koma enahakallalla ni ddawoona.

Aroma 11:28

Kaambiiwa ennakhoota othenga waphaama, Aisraele yookhalla adani a Mulluku ekaamba ya nyuwaano athu ayo muhiri Aisraele. Koma ekaamba ya otthoolla wa Mulluku, yookhalla ookondiwaaye ekaamba ya makhollwiiwa.

Luka 8:28

Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

Mateyu 22:11

“Mwenoolle aavollowa wi awoone awiithaniwaalle nave aamoona muthu mmodda oohiwara yoowara ya okwati.

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 12:7

“Koovenyawo onyumbani waka, koohiya yoohallanaaka, koomuvelleella ookondiwa a vamurimani m'mattani mwa adanaaka.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Miyambo 28:9

Oyo anakhoota wiiwellella malamulo mavekellwaaye ennamunanara Mulluku.

Miyambo 26:18

Wonanko aneerella mullupa anepa ovokha mitthiko, mipaamba ni okhwa,

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Miyambo 10:23

Mattheella a ookarangeya tti weera ddoonanara koma a muthu oodduwella tti ezeru.

Masalimo 50:16

Koma wa oonanara Mulluku anallota wi, “Oniihoosella tini ni oromolla malamulwaaka? Kaambiiwa tini vayanoni vawo vinallotiiwa dda echipanganwaaka?

Masalimo 60:5

Ookondiwaanyu yaakiheriwe avulluseni ni nnattanatta nanyu, munaakhulle hiyaano.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Yeremiya 23:11

“Ddawoona, anamallotella ni allupa mukutho, attheenaayo aaripihiwa. Kohaaphwanya yeeraka ddoonanara naari mu enyumbaaka. Mi Apwiya koollota.”