Yeremiya 11:13 - Mawu a Mulluku

¹³ Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Yeremiya 11:13 ပူးပေါင်းရင်းမြစ်များ

Yeremiya 2:28

“Ethiyo vano milluku ddanyu nndde mwiipangelleenyu ddiri wuuwi? Ddivenyethi vano dduuvulluseni va enthawi ya ddoohoosanndda. Nyu athu a o Yuda, milluku ddanyu tti ddinchichi wonanko mizinda ddanyu.

2 Mamwene 23:13

Vatulli viwa mwenooyo ahoonongattho mapuro oollapellamo mafano ayo yaari wookhumella nndduwa wa Yerusalemu, omwera wa mwaango wa Woonongeya. Makuwaayo Solomoni, mwene a o Israele ahaamakella nifano noonanara na Asidoni nooromolliwa Ashitoreti ni na Amowabu nooromolliwa Kemoshi navettho na Aamoni nooromolliwa Milikomu.

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 3:24

Waambeella khalle, Baala, mulluku oowulliha muru, ohoonongiha mphuro wa mutteko wa makhollwaahu monga enkhosa ni eng'ombe ddiwa, aniiwa aallopwana ni aatthiyana.

Yesaya 2:8

Ellapwiiwa tti yooddalla ni mafano vawi alliwa enallapella ddeko ddoopangiwa ni woopiwa ni mattiiwa.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Yeremiya 44:21

“Ethiyo muneesa wi Apwiya aatiwalla apaalle khenuupuwella dda lubani moosa nyuwaano, makhollwaanyu, mamwenaanyu, enduna ddanyu ni athu a mwiillaponimmu, m'mizindani dda o Yuda ni m'misewuni dda mu Yerusalemu?

Yeremiya 48:35

Kineerewaahiiha Amowabu ayo enavelleella mukutho o mapuro oollapellamo ni woosa lubani* wa milluku ddiwa. Mi Apwiya koollota.

Ezekiele 16:24

waahiimakella mapuro ooraruwella virive veko.

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

2 Epilli 28:25

Aamakattho mapuro oollapellamo milluku ddimodda mu orive muzinda wa Yuda waattatthamulla ni waashiha murima Apwiya Mulluku a makhollwaaye.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 17:1

Apwiya enallota wi, “Machimo a Yuda elembiwe ni yoolembella yamukoko, ya etthoka yanlluku na daimondi va mirimani ddiwa ni va makuwiiwa.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Yeremiya 44:5

Koma makhollwaanyu kheyiiwellelle, kheyaapwathillewo naari vang'ono. Kheyaahiyalle weera ddoonanara ddiwa apaalle woosella lubani milluku ddimodda.

Hoseya 10:1

Aisraele tti wonanko muteekho wa mpesa woohakallalla oyo onimma ezipaso ddinchichi. Mmo eyuumiiwa enavirellelliiwa waata tti mmo enavirellelliiwa omaka mapuro oollapellamo. Mmo munaatella makuwiiwa tti mmo mwiillaponi mwiwa munaatelliiwa apoto oopatuleya.