Yeremiya 11:12 - Mawu a Mulluku

¹² Athu a mu mizinda dda o Yuda ni mu Yerusalemu eneerewinllella nikavihero wa milluku nnddo yavelleelliiwawo mikutho koma kheddiwora waavullusa va enthawi ya ddoohoosa ddiwa.

Yeremiya 11:12 ပူးပေါင်းရင်းမြစ်များ

Yeremiya 2:28

“Ethiyo vano milluku ddanyu nndde mwiipangelleenyu ddiri wuuwi? Ddivenyethi vano dduuvulluseni va enthawi ya ddoohoosanndda. Nyu athu a o Yuda, milluku ddanyu tti ddinchichi wonanko mizinda ddanyu.

Deuteronomo 32:37

Vano Apwiya eneerewaakoha athwiiwa, ‘Ddiri wuuwi milluku ddamasiva mwaroromelleenyunndde?

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

Oweeruza 10:14

Khaweni mwinllelleke milluku nnddo mudditthoonlleenyu wi dduuvulluseni va enthawi ya ddookatamiha ddanyu.”

Deuteronomo 32:38

Mwaaddichiha makhura a mikutho ddanyu, mwaaddiwiryiha vinyo. Vano ddiwettho wi dduukavihereni, ddaakuvettho wi dduutetezeni.’ ”

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Yesaya 46:7

Enniireya vamathurini viwa, ennamuhiya vamapuroni vaye immella vaavo, khanawora osusavo. Mmodda avekella wa khamwaakhulla apaalle omuvullusa o ddoohoosa.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.