Yeremiya 10:7 - Mawu a Mulluku

⁷ Ttaani oyo ahinaawooveni, nyu mwene a mitundu dda athu? Vawi munnaphwanella wooviwa. Variyari va eezeru attheene ni va mamwene mattheene a va ellapo yavatthi, khaavo mmoddattho oollikana ni nyuwaano.

Yeremiya 10:7 ပူးပေါင်းရင်းမြစ်များ

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Masalimo 22:28

Vawi olamulello ottheene tti wa Apwiya, alliwa tti mwene a mitundu ddittheddene.

Yeremiya 10:6

Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Masalimo 89:6

Ethiyo ttaani muddullu anaaphwanaphwane ni Apwiya? Ttaani mwa ooddullu enaphwanaphwaniiwana?

Luka 12:5

Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Masalimo 76:7

Ddawoona, nyuwaano tti awoopiha, ttaani anaawore wiimella vamiitthoni vanyu mwasha murima?

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Eksodo 8:10

Farao ahaakhulla wi, “Osiisello.” Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu.

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

Yoswa 4:24

Ekaamba ya yeella arive muthu va ellapo yavatthimva eneerodduwella masiva a Apwiya nave eneerowoova Apwiya Mullukwaanyu, wa enthawi yoohimalla.”

Estere 1:13

Sika mwene aawiithaniha athu eezeru oodduwella ddaweereya dda enthawi ddittheddene wi aakohe. Vawi mwene aanaddollweella waakoha athu odduwella malamulo ni echiweruzo.

Daniele 2:27

Daniele aamwaakhulla mwene wi, “Nyu amwene, khaavo eezeru, amasenga, awoombesa apaalle oollotella ddamuhoollo oyo anaawore wuuttaphullellani yoovittheya eyo munapaalleenyu odduwella.

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

2 Mamwene 17:39

koma mukillapelleke mi Apwiya Mullukwaanyu nave kineerewuuvullusani wa adanaanyu.”

1 Epilli 16:25

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene

Masalimo 47:3

Alliwa aanigonjihella athu anchichi, yaaneeriha wi nilamulelle mitundu ddimodda.

Masalimo 86:8

Nyu Apwiya, variyari va milluku, khaavo naari mmodda anaphwanaphwana ni nyuwaano, khaddiivo mitteko ddinaphwanaphwana ni mitteko ddanyu.

Masalimo 147:5

Apwiyaahu tti uullupalli, tti amasiva manchichi, ezeru ddiwa khaddinna vookomella.