Yeremiya 10:6 - Mawu a Mulluku

⁶ Khaavo oollikana ni nyu Apwiya, nyuwaano tti amasiva, nnddina nanyu nookhalla ni masiva muullupalli.

Yeremiya 10:6 ပူးပေါင်းရင်းမြစ်များ

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Masalimo 96:4

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene.

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Masalimo 147:5

Apwiyaahu tti uullupalli, tti amasiva manchichi, ezeru ddiwa khaddinna vookomella.

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

Yeremiya 32:18

Munnooniha echikondaanyu yoohisintheya wa athu ooheerengeya koma munnaallaka anamwani ekaamba ya machimo a makhollwiiwa. Nyu Mulluku muullupalli muri amasiva, nnddina nanyu tti Apwiya Amasiva Mattheene.

Yesaya 40:25

Aweella anallota wi, “Ethiyo ttuukiphwanaphwanihella ni aani apaalle ttuukillikanihella ni tini?

Eksodo 8:10

Farao ahaakhulla wi, “Osiisello.” Sika Mose aallota wi, “Ddineereweereya moollikana ni mmo mullotelleenyu wi mudduwelle wi khaavottho mulluku mmodda oophwanaphwana ni Apwiya Mullukwaahu.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Yesaya 46:5

Ethiyo mi ttuukiphwanaphwanihella ni aani, apaalle ttuukaatamanihella ni aani? Ethiyo ttuukillikanihella ni aani wi miyaano ni olliyooyo nikhalle oollikana?

Yesaya 40:18

Ethiyo Mulluku ttuumphwanaphwanihella ni aani apaalle ttuumullikanihella ni tini?

Masalimo 35:10

Kineerohakallalla ni murima muttheene kineerollota wi, “Ttaani anaaphwanaphwane ni nyu Apwiya, nyu munamuvullusa oofooka wa muthu amasiva manchichi, nyu munamuvullusa oohoowa wa muthu oomwiiyera.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Nehemiya 4:14

Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Eksodo 9:14

Vawi kineerorumiha millilli ddaka ddittheddene wa weyaano, wa enduna ddawo ni wa athwaawo wi odduwelle wi khaavo mmodda oophwanaphwana ni miyaano va ellapo yavatthi ettheene.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

1 Epilli 16:25

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene