Yeremiya 10:25 - Mawu a Mulluku

²⁵ Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yeremiya 10:25 ပူးပေါင်းရင်းမြစ်များ

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Masalimo 14:4

Ethiyo oonanaraalla kheniiwesesa? Ennaamirya athwaaka wonanko yoocha, khenaallapella Apwiya.

Yobu 18:21

Ddawoona, olla sika otulli onaamorella athu oonanara, nngu sika omalla wa athu oohimudduwella Mulluku.”

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

Zekariya 1:15

Kohaananariwella wunchichi athu a mitundu ddimodda ayo eri vamurendelleni. Vawi kaananariwelleemi athwaaka mooyeva koma alliwa sika yoonjereriiwa waahoosa athwaaka.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 50:7

Arive muthu aaphwanyille aawoononga. Nave adaniiwa yaanallota wi, ‘Hi kheninna mullatu ekaamba yawi alliwaalla yahaachimwella Apwiya ayo eri vookhalla viwa vawoona, ayottho makhollwiiwa yaaroromelliiwa.’

Masalimo 27:2

Athu aweera ddoonanara yaawa wa miyaano wi ekiiphe, adanaaka yaakithwaraka manyallo ennakwakwatuwa ni wiikuha.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Maliro 2:22

Wonanko mmo muniithanelleenyu o ehakallallo, tti mwemmo mukiithanelleenyu ddawoopiha ovenyera o embali ddittheddene. Nyu Apwiya, va nllapo na osha murima wanyu, khaavo oyo awonre othawa apaalle ovulluwa. Attheene kaayarilleemi ni waalleella, adanaaka yaawoononga.

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.

Yesaya 43:22

Apwiya enallota wi, “Koma we Yakobo, khawaavekenlle wa miyaano, we Israele, waatopa ni miyaano.

Yawuupullulla 16:1

Nave kahiiwa mawu oollotiwa mookhuwa evenyeraka mu enyumba ya Mulluku oya wa angelo atthanu ni eellaalle wi, “Khaweni mwahelle embale dditthanu ni piilli dda osha murima wa Mulluku va ellapo yavatthi!”

Masalimo 69:24

Muwiithellelle osha murima wanyu, owallaanyu waamorelle wonanko munllo.

Masalimo 147:20

Kheyaaweerille nndda wa athu a mitundu ddimodda sika kheyaadduwella malangizwiiwa. Aleluya!

Yesaya 9:12

Asiriya wookhuma nndduwa ni Afilisti woovollowa nndduwa yohaatthama wi yaamirye Aisraele. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yeremiya 11:1

Mawu a Apwiya yaawa wa Yeremiya wi,

Yeremiya 30:16

Koma attheene yawoonongilleni, kineerowoonongattho alliwaayo. Attheene awuuhoosani eneerophariwa okaporo. Attheene awaakha ddeko ddanyu alliwattho eneerewaakhiwa. Attheene awuumallihani, alliwattho eneeromallihiwa.