Yeremiya 10:22 - Mawu a Mulluku

²² Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 10:22 ပူးပေါင်းရင်းမြစ်များ

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Malaki 1:3

nave kahiitanana Esau ni edduullu ddaye. Kaatthattusa miyaango ddaye matepe ni ovelleella yoohallanaaye wa akhatwe a mu echipululu.”

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yeremiya 4:6

Tukhullani embendera o Ziyoni, Muhinaselliwa, thawani wi muvulluwe. Mi Apwiya kinimawa ni yoonanara yoovenyera ompoto, oneerokhalla woonongeya wawoopiha.

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yesaya 34:13

Miiwa ddoohiyanahiyana ddineeromella mu enyumba ddaye ddakhoto ddooteteziwa ni m'mipandani mwaye. Nave ninaakhalle nipuro na akhatwe ni owaniwa wa nthiwatiwa.

Yeremiya 1:14

Apwiya yaakilleella wi, “Nndda ddinattaphullella ompoto oneerovenyera otulli oyo onaamorelle athu a mu ellapo ella.

Yeremiya 4:15

Vawi amithenga a o Dani ni o miyaango dda Efuremu enimallalleya othenga wawoopiha.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 49:33

Hazori aneerotthattuwa ntepe, nipuro na akhatwe wa enthawi yoohimalla. Khamuwamukhallattho arive muthu mwemmo. Mi Apwiya koollota.”

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Ezekiele 12:19

Alleelle a mwiillaponimmo wi kinallota mi Apwiya Mulluku dda athu ookhalla o Yerusalemu navettho mu Israele tti ddawi, Athwaayo Eneerekoocha mootthukumella ni owirya mwawoova vawi ellapwiiwa eneerewaakhiwa erive ello ekaamba ya echiwawa ya athu ookhalla mwemmo.

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.