Yeremiya 10:21 - Mawu a Mulluku

²¹ Kahaakhulla wi “Vawi abusaahu tti ookarangeya, khenaveka ezeru wa Apwiya. Ekaamba ya yeella ddeko kheddinaweetella phaama, enkhosa ddiwa ddaapallalleya.

Yeremiya 10:21 ပူးပေါင်းရင်းမြစ်များ

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Zekariya 10:3

Kohaashella murima abusa nave kineerewaallaka oohoollella a mwiillaponimmo. Koma mi Apwiya Amasiva Mattheene kineerohoollella enkhosa ddaka, nibanja na Yuda nave kineerodditthattusa wonanko akavalo akhoto amasiva.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 50:17

Aisraele tti wonanko enkhosa ddoopallalleya, ddawiikarihiwa ni mikango. Mwene o Asiriya sika aambille owiipha Aisraelaayo, vatulli viwa aaphiya Nebukadinezara mwene a o Babiloni oyo aattakhunne ni makhuveene.

Yeremiya 49:32

“Ekamira ddiwa ni eziweto ddiwa ddinchichi ddineerewaakhiwa. Kineerowiikarihella o ezigawo sese ddittheddene attheene oophaddera mphattamaaru. Kineerewaarumihella ddawoopiha ovenyera o ezigawo ddittheddene.

Yeremiya 10:14

Athu attheene tti ookarangeya, khenna ezeru, arive muthu eeruso annawulliwa muru ni mafanwaaye. Mafano ayo aapangilleeye tti awoottha, mwa alliwa khamuri okumi naari vang'ono.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yeremiya 22:30

Apwiya enallota wi, “Mulembeni muthoolla wonanko oohikhalla ni anamwani, oyo ahinaphure ello va okumaaye. Vawi khaavo naari mmodda mwa edduullu ddaye oyo anaakhalle va mpando woomwene wa Davide wi ttuulamulellattho ellapo ya Yuda.”