Yeremiya 10:20 - Mawu a Mulluku

²⁰ Musasaaka wohoonongeya, mikwe ddittheddene ddoophaddeya. Anaaka attheene aakihiya, kheyiivo, khaavo mmodda wi ttuukitthipellella musasa apaalle wi ttuukihuruwella ni ekuwo ddiwa.”

Yeremiya 10:20 ပူးပေါင်းရင်းမြစ်များ

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 31:15

Apwiya enallota wi, “Okhuwa onniiweya o Rama, wa ekutho ni winlla wunchichi. Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Yesaya 54:2

Wunnuwihe nipuro nootthipellavo musasaawo, ottaphuruse wunchichi ekuwo ddene. Ohilephele, orekamihe mikwe ddene, ollipihe ekhomo ddene.

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

Miyambo 12:7

Athu oonanara ennatathilliwa nave ennatiwalleya koma nibanja na oolungama ninnallipa.

Yobu 7:8

Niittho nno nikoonille khaniwa nikiwehattho, vawi vookaashaashani kinaakhalle kiviralle.

Yesaya 51:18

Khaavo mmodda awuuhoollella mwa anamwani waayarilleewe, khaavo naari mmodda awuuphara nnatta mwa anamwani waallenlleewe.

Mika 2:9

Munnaakhumiha mu enyumba ddiwa dda vamurimani awariwa a athwaaka nave aniiwa munnavirellella owaakha madaliswiiwa.

Yeremiya 30:17

Koma nyuwaano, kineerochiriha ereta ddanyu, kineerovolliha makhwataanyu. Naari amodda yeesaka wi mootathilliwa, voollotani wi ‘Alla tti athu a o Ziyoni, khenna owaapwatha.’ Mi Apwiya koollota.”