Yeremiya 10:18 - Mawu a Mulluku

¹⁸ Apwiya enallota wi, “Vano kineerewaavenyihamo athu attheene mwiillaponimmu. Kineerewuunyenyani ophiyera naari mmodda a nyuwaano khakhallavo oovulluwa.”

Yeremiya 10:18 ပူးပေါင်းရင်းမြစ်များ

1 Samuele 25:29

Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Ezekiele 6:10

Vano eneerodduwella wi mi tti Apwiya nave ngaawoopopihelle nivuddo voollotani wi kineerewaallaka.

Yeremiya 23:20

Owalli wa Apwiya oneerovirellella ophiyera yeerille ddittheddene nnddo yasimikinziiwa m'murimani mwiwa. Nave muneeroddidduwella phaama ddenndda mallapo amuhoollo.”

Yeremiya 16:13

Sika kineerowiikarihani mwiillaponimmu ni wuuvollochihani mu ellapo eyo nyuwaano ni makhollwaanyu muhinayidduwelleenyu. Wenko muneerorumeyella milluku ddimodda otthaana ni mahiiyu kaambiiwa ngiweerellanittho echifundo.’ ”

Deuteronomo 28:52

Eneerohella ekhoto orive muzinda, mwiillaponi eyo Apwiya Mullukwaanyu enuuvahiiwani. Nave mipanda ddoorekama munaroromelleenyu ddineerokumuwa virive veko. Eneerowaapheellani m'mizindani ddittheddene dda ellapo eyo Apwiya Mullukwaanyu enuuvahiiwani.

Yeremiya 22:26

We vamodda ni amaayo awuuyara kineerowiikarellani wuukaporoni, o ellapo eyo eellinyu mwahiyariwelleenyuwo koma munaakhwelle wenko.

Zefaniya 1:17

Apwiya enallota wi, “Kineerewaahoosa wawoopiha wawi eneeteke wonanko oohoona vawi yaakichimwella. Nikhame niwa ninaakhalle virive veko wonanko nthupi, miilli ddiwa ddinaakhalle virive veko wonanko mashi eeng'ombe.

Yesaya 22:17

We amasiva, Apwiya eneerewuuphara moollipa ni wuuvokha mweekophollo.