Yeremiya 10:15 - Mawu a Mulluku

¹⁵ Mafano khenna mutteko, tti oophwanella waavevulla, voollakiwani eneerewoonongiwa.

Yeremiya 10:15 ပူးပေါင်းရင်းမြစ်များ

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yesaya 41:24

Nyuwaano khemuri ello, ddaweera ddanyu kheddinna mutteko, awuutthoollani ennakinanara.

Yeremiya 51:18

Mafano khenna mutteko, tti oophwanella waavevulla, voollakiwani eneerewoonongiwa.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Yona 2:8

Athu oollapella milluku ddawoottha kheyiivo enaphuriiwa.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yesaya 41:29

Ddawoona, milluku ddenndda khe ello, ddaweera ddiwa khaddinna mutteko.”

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Yeremiya 18:15

Kheddiiddo! Koma athwaaka aakitiwalla, enoosella lubani* milluku ddawoottha nnddo ddaakwakwatuwiha mu ettilla ddaka ddakhalle, eneeta mu ettilla ddamuhakani, ohiya musewu waphaama.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

1 Samuele 5:4

Koma osaka wene ohinase, evenyille yaamoonattho Dagonoolle iikuhalle moopopheya ekhovaaye vatthi vahoollo va nibokosi na echipangano na Apwiya. Murwaaye ni mattaaye ddaari ddiphaddeyiille ddimorenlle vatthi va mullako. Dagonooyo ahanllena mwiillive.

Masalimo 115:9

We Israele, aroromelle Apwiya, Apwiya sika awuukaviheraawo ni awuutetezaawo.

Yesaya 57:12

Kineerowoonihella echilungamwaawo yawoottha ni mitteko ddawo koma khophurana ello.

Yeremiya 43:12

Aneeroviddeella munllo mu enyumba dda milluku dda o Iguputo ni oddoosa enyumbannddo nave millukunnddo aneeroddiyaana wuukaporoni. Aneereweelliha ellapo ya Iguputo wonanko mbusa anatthollelleeye ethupo mu yoowaraaye sika anaweerelleeyena nave anaakhume mu Iguputo mwamurendelle.

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.