Yeremiya 10:10 - Mawu a Mulluku

¹⁰ Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yeremiya 10:10 ပူးပေါင်းရင်းမြစ်များ

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 76:7

Ddawoona, nyuwaano tti awoopiha, ttaani anaawore wiimella vamiitthoni vanyu mwasha murima?

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Masalimo 42:2

Murimaaka wookhalla ni nthona noomupaalla Mulluku, Mulluku mukumi. Ethiyo kinaaphiye niini vamiitthoni va Mulluku?

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Masalimo 31:5

Kinavelleella munepaaka m'mattani mwanyu, nyu Apwiya oororomelleya, mookoopolla.

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Aheberi 10:31

Sika ophariwa ni Mulluku Ookumi tti wawoopiha.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Malaki 3:2

Ttaani anaawore anaavillelle nllapo na owa wiwa? Ttaani aniimelle alliwa yaakhumellella? Vawi enaakhalle wonanko munllo wa aweeka mikoko apaalle sopo aweelliha.

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Mika 1:4

Vano miyaango ddineerottotthowa vatthi va olliye wonanko onyoma vamunlloni, ddineneereweetellella mutapo wonanko maaddi a m'mwaangoni.

Masalimo 146:6

oophatusa oddullu ni ellapo yavatthi, enyanja ni ddittheddene ddiri mwemmo. Ennasunga malonjezwiiwa enthawi ettheene,

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Masalimo 114:7

We ellapo yavatthi tthukumella kaambiiwa Apwiya enimawa, ddawoona, Mulluku a Yakobo animawa

Masalimo 104:32

Ellapo yavatthi ennatthukumella alliwa yayiweha miyaango ddinnathuwa mwiisi yaddittannya.

Masalimo 97:4

Ettariiwa ennawaliha ellapo yavatthi, ellapo ettheene ennoona nave ennatikheya.

Masalimo 93:2

Mpandwaanyu woomwene, waakeraattheya waambeella khalle, nyuwaano mwaakhallawo ovenyera khalle.

Masalimo 90:11

Ethiyo ttaani anadduwella masiva a onanariwa wanyu ni owaallaanyu moollikana ni mmo munaphwanelleenyu wooviwa?

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Yobu 9:6

Annayitikha ellapo yavatthi, apotwiiwa ennatthukumella.

2 Epilli 15:3

Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

Oweeruza 5:4

“Nyu Apwiya, mwakhumenyu mu Seiri, mweeteenyu ovenyera o Edomu, ellapo yavatthi ettheene yaatthukumella, oddullu waattotthowa, mirapo ddaandonya maaddi.

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Mateyu 26:63

Koma Yesu aakhalla llakallaka. Vano mullupa mukutho muullupalli aallotattho wi, “Vamiitthoni va Mulluku Ookumi kinimuullupelliha weyaano wi onilleelle weyaano waari Mesiya,* Mwaana a Mulluku.”

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Yeremiya 23:36

Koma muhillotekettho wi, ‘Olla tti othenga woollemella wa Apwiya.’ Othenga woollemella wa arive muthu tti mawu mwaneenaaye vawi mwaavirikaniha mawu a Mulluku Ookumi, Apwiya Amasiva Mattheene, Mullukwaahu.

Yesaya 37:17

Sika nyu Apwiya, apellani maaru mwiiwe. Nyu Apwiya khunuullani miittho wi moone. Mwiiwe mawu mattheene ayo Senakeribu allotilleeye awuuvevullani nyu Mulluku Ookumi.

Yesaya 37:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Masalimo 68:11

Apwiya yaavaha mawu, atthiyana anchichi enawa ni othenga wawi,

Genesis 21:33

Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla.

1 Mamwene 8:60

Sika athu attheene a va ellapo yavatthi edduwelle wi Apwiya tti Mulluku, khaavottho mmodda.

Masalimo 29:10

Apwiya ennalamulella enyanja yoowallamella ddittheddene, ennakhalla va mpando woomwene wa enthawi yoohimalla.

Masalimo 68:8

ellapo yaatikheya, muddullu mwaamurupiha murimu ekaamba ya owa wa nyu Mulluku. Mwaango wa Sinai waatikheya, ekaamba ya owa wa nyu Mulluku, Mulluku a Aisraele.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Yesaya 40:15

Mitundu dda athu ddiri wonanko nidontho na maaddi m'munoni, wonanko nthupi shisha vasikoloni. M'mattani mwa Apwiya ezilumba tti ddoovevuwa wonanko nthupi.

Yesaya 65:16

Mwawi ddiiddo ooveka madaliso apaalle ollupella mu ellapweeyo aneereke ddennddo wa Mulluku awoona ekaamba yawi ddoohoosa ddaye ddakhalle ddootiwalliwa nave ddoovenyihiwavo vamiitthoni vaka.’ ”

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 4:24

Kaaweha miyaango nave ddaanatikheya, asimiyaango yaanatthukumella.

Yeremiya 50:46

Ellapo yavatthi eneerotthukumella ekaamba ya ogonja wiwa. Winlla wiwa oneerewiiweya o Enyanja Yoofiira.”

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Masalimo 9:8

Eneeruza ellapo yavatthi ettheene moolungama, ennakamulla millatu dda athu moohiweha ekhove.

Masalimo 74:12

Koma nyu Mulluku tti mwenaaka ni Mullukwaaka waambeella khallekhalle. Munnaphara mutteko woovullusa va ellapo yavatthi.

Masalimo 76:8

Ovenyera oddullu mwaallalleya echiweruzwaanyu, athu a va ellapo yavatthi yahoova, yaheera ellapo tuu,

Masalimo 100:3

Dduwellani wi Apwiya tti Mulluku. Yaaniphatusa nave hiyaano tti athwiiwa, tti athwiiwa, enkhosa dda vabusani viwa.

Yesaya 40:28

Ethiyo khawaadduwella? Ethiyo khawiiwalle? Apwiya sika Mulluku oohimalla, oophatusa a ellapo yavatthi ettheene, khenatopa apaalle ofooka, khaavo aniiwesesa ezeru ddiwa.

Daniele 6:27

Olliye annavullusa ni waakiha anneera ezizindikiro ni ddoottikhiniha muddullu ni vatthimva, olliye sika amuvullusalle Daniele o masiva a mikango.”

Nahumu 1:5

Miyaango ddinnatikheya vamiitthoni vaye, asimiyaango eneerottotthowa. Ellapo yavatthi ennatthukumella vamiitthoni viwa, ellapo ni ddittheddene ddookhalla mwemmo.