Yeremiya 1:19 - Mawu a Mulluku

¹⁹ Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.

Yeremiya 1:19 ပူးပေါင်းရင်းမြစ်များ

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yeremiya 1:8

Ohiwoove athwaayo vawi kiri ni weyaano wi kuuvulluse. Mi Apwiya koollota.”

Yeremiya 20:11

Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.

Masalimo 129:2

“Adani aakhalla ekihoosaka wunchichi waambeella kiri musombwe komave kheyaapambanille.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Mitteko 26:17

Kineerewuuvullusa wa athu a o Israele ni wa athu ayo ehiri a o Israele nko kinaawurumeemiwo.

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Yeremiya 1:18

Ngoona, ollello kohuutthattusa muzinda wa mpanda, opoto a mukoko ni esiri ddamukuwa wi ohimooveke arive muthu mu ellapo ettheene naari mamwene a o Yuda, enduna, allupa mukutho ni athu amwiillaponi.

Yeremiya 2:1

Mawu a Apwiya yaawa wa mi wi

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Yeremiya 42:11

Muhimoove mwene a o Babiloni oyo munamovaanyu ollello. Muhimoove mwenooyo kaambiiwa miyaano kiri ni nyuwaano wi kuuvulluseni ni owaakiherani m'mattani mwaye.

Yeremiya 46:28

Apwiya enallota wi, “We Yakobo, oorumeyellaaka, ohoove vawi mi kiri ni weyaano. Kineerotthollosa mitundu ddittheddene dda athu a ellapo nnddo kawiikarelleemiwo. Koma we nguutthollosa, komave nguuhiya oohuullaka, kinuullake mweechilungamo.”

Daniele 3:25

Mwenooyo aallota wi, “Wehani, kinawoona athu asese oottaphulliwa, yeetaka mwamurendelle, oohisha muwari mwa munllo. Nave aneesese anooneya wonanko mwaana a milluku.”

Yeremiya 11:21

Sika ekaambiiwa Apwiya enallotiiwa dda athu a o Anatoti ayo enapaalla woononga okumaaka voollotani wi, “Ohillotellettho mu nnddina na Apwiya wi nihiwiiphe.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 26:8

Vano Yeremiya amallihalle ollota mawu mattheene Apwiya yamulamunliiwa wi aalleelle athu attheene, amodda mwa allupa mukutho, anamallotella ni athu yamphara nave emulleella wi, “Onaphwanella wiiphiwa.

Yeremiya 39:17

Koma weyaano kineerewuuvullusa nllapo nenno nave khovelleelliwa wa athu oyo onawooveewe.