Yeremiya 1:17 - Mawu a Mulluku

¹⁷ Koma we Yeremiya, okhozeke nave oye waalleelle erive ello kuulamulelleemi. Ohiwoove alliwa wi kihuutthattuse awoova vamiitthoni viwa.

Yeremiya 1:17 ပူးပေါင်းရင်းမြစ်များ

1 Mamwene 18:46

Masiva a Apwiya yaari ni Eliya. Olliye aamakella ddoowara ddaye muyuununi athamaka mwawaakuva amuvirellella Ahabu, akhalla awaamba ophiya o Yezireele.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

Luka 12:35

“M'makelleni laamba okhozekella mutteko nave enyali ddanyu ddikhareke,

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Eksodo 7:2

Wamulleelle Aroni ddittheddene kuulamulelleeminndda nave olliye sika anaamulleelle Farao wi awaakhullelle Aisraele okhuma mwiillaponi mwaye.

Yobu 38:3

Khozeka moollipa wonanko mullopwana, kineerewuukoha nave okaakhulle.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Mitteko 20:20

Munnadduwella wi ngaawiipitthihalle ello yawi yaawerowukaviherani kallalleyeemi ni ohuddiha vamiitthoni va athu ni m'mampa mwanyu.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

Yona 3:2

“Khawe o Nineve, o muzinda muullupalloolle. Waahumullulle ni othenga olla kinawinnyeemi.”

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

2 Mamwene 4:29

Elisha aamulleella Gehazi wi, “Mmakelle laambaawo muyuunoni, akuva nave kusa ekopwaaka oyeewo. Wakumana ni arive muthu muttilla, ohimuvahe mooni nave mmodda uuvaha mooni ohimwaakhulle. Vano wahiye ekopwaakeella veekhoveni ya mwaanooyo.”

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

2 Mamwene 9:1

Mallapo yaayo, Elisha namallotella aamwiithana mmodda mwa a mulloko wa anamallotella amulleella wi, “Khozekella olendo nave okuse moohellamo makhura, oye o Ramoti Giliyadi.

2 Mamwene 1:15

Vaavo mungelo a Apwiya aamulleella Eliya wi, “Khawe ni akhoto muullupalloolla, ohimoove.” Vano Eliya aatimulla, akittha ni akhoto muullupalli oya wa mwene.

Yeremiya 1:18

Ngoona, ollello kohuutthattusa muzinda wa mpanda, opoto a mukoko ni esiri ddamukuwa wi ohimooveke arive muthu mu ellapo ettheene naari mamwene a o Yuda, enduna, allupa mukutho ni athu amwiillaponi.

Yeremiya 26:2

“Khawe wiimelle mu nthato na enyumba ya Apwiya nave wallote wa athu attheene ookhalla m'mizindani dda o Yuda ayo enallapella onyumbani ddittheddene nnddo kuulamunleemi wi wallote oohihiyavo ello.

Yeremiya 26:12

Vano Yeremiya ahaalleella oohoollella ni athu attheene wi, “Apwiya sika yakirumalle wi killalleye mawu mattheene mwiiwalleenywaalla oollota dda enyumbiiwa ni muzindoolla.

Yeremiya 36:8

Sika Baruki mwaana a Neriya aheera ddittheddene namallotella Yeremiya amulleelleeye. Aheerenga mawu a Apwiya oolembiwa munibukhunaalle mu enyumba ya Apwiya.

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’