Yeremiya 1:15 - Mawu a Mulluku

¹⁵ Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yeremiya 1:15 ပူးပေါင်းရင်းမြစ်များ

Yeremiya 43:10

Vano waalleelle wi miyaano Apwiya Amasiva Mattheene, Mulluku a Israele, kineeromwiithana oorumeyellaaka Nebukadinezara, mwene a o Babiloni. Olliye aneerowuhiya mpandwaaye ni otthipella musasaaye va malluku eri mvaalla.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 4:16

Enallota wi, “Muchenjeze mitundu dda athu wi mudani animawa. Mullalleye wa Yerusalemu wi akhoto enimawa ovenyera o ellapo yawoorekama, eninakhuwa wi ehelle ekhoto mizinda dda Yuda.

Yeremiya 39:3

Sika attekweene attheene a mwene a o Babiloni yaavollowa ekeraatthi va mullako wa Variyari. Alla yaari Neregali Sharezere, Samugiri Nebo, Sarisekimu muullupalli a enduna ni Neregali Sharezere mmoddattho akhoto muullupalli oohoolla vamodda ni enduna ddimodda ddittheddene dda mwene a o Babiloni.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yesaya 22:7

Matapwaanyu a ethaya yaphaama yaaddalla ni magareta nave akhoto oowella va akavalo yahiimella owiitthoni wa millako dda muzinda.

Maliro 5:11

Atthiyana ennapharelliwa o Ziyoni, naarittho anamwalli mu mizinda dda Yuda.

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,

Yeremiya 25:28

Nave yaakhootaka omwaakhella kapu m'mattani mwawo wi ewirye, waalleelle wi, ‘Apwiya Amasiva Mattheene enallota wi munaphwanella owirya.

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yeremiya 4:6

Tukhullani embendera o Ziyoni, Muhinaselliwa, thawani wi muvulluwe. Mi Apwiya kinimawa ni yoonanara yoovenyera ompoto, oneerokhalla woonongeya wawoopiha.

Yeremiya 13:20

Nyu a o Yerusalemu, tukhullani miitthwaanyu moone! Adanaanyu enavenyera ompoto! Ethiyo enkhosa nnddo ddahiyiwe m'mattani mwanyu ddiri wuuwi, enkhosa ddanyu ddooreeranndde?

Yeremiya 34:1

Mawu a Apwiya yaawa wa Yeremiya mvo Nebukadinezara mwene a o Babiloni ni mullokwaaye wakhoto, moomwene mattheene a va ellapo yavatthi ayo aalamuleeye ni athu a mitundu ddittheddene yamuhenlliiwa ekhoto Yerusalemu ni mizinda ddaye ddawaapheella.

Yeremiya 46:24

A o Iguputo eneerowulliwa muru, eneerophariwa okaporo ni athu a ompoto. Mi Apwiya koollota.”

Ezekiele 32:30

Wenko wookhallattho enduna dda ompoto vamodda ni athu attheene a o Sidoni ayo yakitthenlle o ellapo ya ookhwa moowulliha muru owaakattho awiiphiwa naari yaari awoopiha ni amasiva. Aavitthiwa ehiphaddiwe vamodda ni awiiphiwa okhotoni. Ennawulliwawo muru vamodda ni attheene ayo yakitthenlle khalle o ellapo ya ookhwa.

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

Zekariya 6:6

“Nigareta na akavalo ooripa ninaya ompoto, na akavalo aweella ninaya woovollowa nndduwa nave na akavalo amankhaanga oosiripa ninaya omwera.