Yeremiya 1:14 - Mawu a Mulluku

¹⁴ Apwiya yaakilleella wi, “Nndda ddinattaphullella ompoto oneerovenyera otulli oyo onaamorelle athu a mu ellapo ella.

Yeremiya 1:14 ပူးပေါင်းရင်းမြစ်များ

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yeremiya 4:6

Tukhullani embendera o Ziyoni, Muhinaselliwa, thawani wi muvulluwe. Mi Apwiya kinimawa ni yoonanara yoovenyera ompoto, oneerokhalla woonongeya wawoopiha.

Yesaya 41:25

Koomuvenyiha muthu mmodda ompoto nave olliye, muthooyo anavenyera wookhuma nndduwa, olliye anniithana nnddina naka. Annaavota oolamulella wonanko matokwi, wonanko awoopa epalli anavotelleeye olloko.

Ezekiele 1:4

Kiwehaka kahoona ephevo yawoopiha evenyeraka ompoto. Vaakhalla murapo muullupalli woowala mukhwipi mwiwa nave munllo okhumaka ovenyera m'muraponimmo. Variyari va munllooyo vaanooneya wonanko mukoko woonyezimella.

Yeremiya 50:41

Ngoonani, athu ovenyera o ellapo ya ompoto enimawa, mutundu wa athu amasiva wootimulla ovenyera woorekama.

Yeremiya 50:9

Kineerotthoolla ni owaana mutundu wakhoto wamasiva wa malloko mamodda a athu oovenyera ompoto wi niwane ni Babiloni. Mipaamba ddiwa ddiri wonanko akhoto oosha murima, kheddinakusha.

Yeremiya 46:20

Iguputo ari wonanko musaanaang'ombe ooreera, koma mwiikaanga woovenyera ompoto oneerommorella.

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yeremiya 6:22

Apwiya enallota wi, “Ngoonani, athu ovenyera o ellapo ya ompoto enimawa. Mutundu wa athu amasiva wootimulla ovenyera woorekama.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.

Yeremiya 11:17

“Apwiya Amasiva Mattheene ayo yawaallilleni sika yeeruzalle wi eneerewuullakani mwawoopiha ekaamba ya ddoonanara mweerilleenyu nyu a mu nibanja na Israele ni na Yuda. Mohaashiha murima voovelleellani mikutho wa Baala.”

Yeremiya 47:2

“Ngoonani mmo maaddi enakitthelliiwa ovenyera ompoto, enaakhalle muhinje woosefukella ni woonyakulla. Eneerosefukella mwiillaponi, eneeropwiniha ddittheddene ddookhalla mwemmo, mizinda ddittheddene ni athu attheene ookhallamo. Athu eneerokhuwa, attheene a mwiillaponimmo eneerewinlla.

Ezekiele 24:3

Alleelle mwambi athu eekukwaalla wi mi Apwiya Mulluku kinallota wi, eyani epalli nave muhellemo maaddi.

Yowele 2:20

Kineeromwiikara oovenyera ompoto wi yuurekamelleni, kineeromwiikarella o ellapo yawumma ni yoohikhalla ni athu. Amuhoollo kinaawiikarelle onyanjani ya wookhuma nndduwa, amutulli kinaawiikarelle onyanjani ya woovollowa nndduwa. Vano eneerewuunta nave eneerewunkha, kineerowoononga ekaamba ya ddittheddene eweerelleewani.”

Zekariya 6:6

“Nigareta na akavalo ooripa ninaya ompoto, na akavalo aweella ninaya woovollowa nndduwa nave na akavalo amankhaanga oosiripa ninaya omwera.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.