Yeremiya 1:12 - Mawu a Mulluku

¹² “Wohoona phaama. Kinnoonesesa wi nnddo kallotilleemi ddeereye.”

Yeremiya 1:12 ပူးပေါင်းရင်းမြစ်များ

Ezekiele 12:28

Vano waalleelle wi, Apwiya Mulluku kinallota wi, ‘Ddoollota ddaka khaddiwa ddiselliwattho kineereweera erive ello killotilleemi. Mi Apwiya Mulluku koollota.’ ”

Ezekiele 12:25

Mi Apwiya kineerollota nnddo kinaapaalleemi nave ddineereweereya. Khavikhalla ddooselliha koma mu mallapwaanyu yaalla, kineeroddeera, nyu athu oowukila. Mi tti Apwiya Mulluku.”

Luka 10:28

Yesu aamulleella wi, “Wohaakhulla phaama. Khawe weere ddennddo nave oneerewaakhella okumi woohimalla.”

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Deuteronomo 5:28

“Nave Apwiya yahiiwa mawaanyu mvo mwalloteenyu ni miyaano. Sika yaakilleella wi, ‘Kohiiwa ddinallota athwaalla nave tti ddawoona.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Deuteronomo 18:17

Sika Apwiya yaakilleella wi, ‘Ddittheddene ellotilliiwa tti ddawoona.

Luka 20:39

Vano amodda a ahuddihi a malamulo yaallota wi, “Mohaakhulla phaama, Ahuddihi!”

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Yeremiya 1:13

Apwiya yaakikohattho wi, “Ethiyo onoonattho tini?” Kahaakhulla wi, “Kinoona epalli yootokotha nave ethullamelle ompoto.”

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.

Yeremiya 24:3

Vano Apwiya yaakikoha wi, “Yeremiya, ethiyo onoona tini?” Mi kahaakhulla wi, “Kinamoona namukuyu aphaama wunchichi ni mmoddattho oonanara wunchichi oohiphwanella omucha.”