Yeremiya 1:11 - Mawu a Mulluku

¹¹ Apwiya yaakikoha wi, “We Yeremiya, ethiyo onoona tini?” Kahaakhulla wi, “Kinoona muteekho wa alimondi.”

Yeremiya 1:11 ပူးပေါင်းရင်းမြစ်များ

Amosi 7:8

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mukwe wawookollellana esiri.” Vano Apwiya yaakilleella wi, “Mukwe yoolla kinawuhiya variyari va Aisraele, athwaaka nave ngaamorellattho ethakaraka.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Zekariya 5:2

Mungelo aakikoha wi, “Ethiyo onoona tini?” Kahaakhulla wi, “Nibukhu noovava, noorekama mamita matthanu ni masese nave nooramballalla mamita masese ni hafu.”

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

Yeremiya 24:3

Vano Apwiya yaakikoha wi, “Yeremiya, ethiyo onoona tini?” Mi kahaakhulla wi, “Kinamoona namukuyu aphaama wunchichi ni mmoddattho oonanara wunchichi oohiphwanella omucha.”

Numeri 17:8

Osaka wene Mose avolloweeye musasa wa mutthukumano, ahoona ekopo ya Aroni, a nlloko na Levi ephuwalle makukhu, ettaphullalle malluwa navettho yimmalle ezipaso ddawiithwa dda manangwa.

Ezekiele 7:10

“Onani nllapo nootulli ninimawa! Ollakiwa wanyu woophiya! Okota wanyu woophiya voonanara nave wiitukhulla wanyu wohooneyella vaweella.

Genesis 30:37

Vano Yakobo aakusa enthambi ddikitthi dda miteekho dda mitundu miraru dda mwiillaponimmo, alemba mizere vamakullani viwa. Vano enthambinnddo ddaanooneya dda malembamalemba.

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.

Ezekiele 12:25

Mi Apwiya kineerollota nnddo kinaapaalleemi nave ddineereweereya. Khavikhalla ddooselliha koma mu mallapwaanyu yaalla, kineeroddeera, nyu athu oowukila. Mi tti Apwiya Mulluku.”

Ezekiele 12:28

Vano waalleelle wi, Apwiya Mulluku kinallota wi, ‘Ddoollota ddaka khaddiwa ddiselliwattho kineereweera erive ello killotilleemi. Mi Apwiya Mulluku koollota.’ ”