Yeremiya 1:1 - Mawu a Mulluku

¹ Alla sika mawu a Yeremiya mwaana a Hilikiya, mmodda mwa allupa mukutho o Anatoti, mu ellapo ya Benjamini.

Yeremiya 1:1 ပူးပေါင်းရင်းမြစ်များ

Ezekiele 1:3

Othenga wa Apwiya waaphiya wa mullupa mukutho Ezekiele mwaana a Buzi museresere mwa muhinje wa Kebara ellapo ya Ababiloni. Wenko nnatta na Apwiya naari va olliye.

Yeremiya 11:21

Sika ekaambiiwa Apwiya enallotiiwa dda athu a o Anatoti ayo enapaalla woononga okumaaka voollotani wi, “Ohillotellettho mu nnddina na Apwiya wi nihiwiiphe.”

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

1 Epilli 6:60

Nave ovenyera o echigawo yeeyo nlloko na Benjamini naakawelliwa Geba, Alemeti ni Anatoti ni mapurwiiwa mattheene oochihellamo eziweto. Nndda sika ddaari mizinda khumi ni ddiraru dda mabanjaalla.

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Amosi 1:1

Alla tti mawu a Amosi, mmodda a abusa a enkhosa a o Tekowa, ayo yuupullulliwe oollota dda Israele mu enthawi ya Uziya mwene a o Yuda ni mu enthawi ya Yerobowamu mwene a o Israele, mwaana a Yowashi miyakha miilli ehineereye echivomerezi.

Yesaya 1:1

Masomphenya a Yesaya mwaana a Amozi ayo oonilleeye oollota dda Yuda ni Yerusalemu mu enthawi ya olamulello wa Uziya, Yotamu, Ahazi ni Hezekiya, mamwene a o Yuda.

Yesaya 2:1

Nndda sika ddeko Yesaya mwaana a Amozi oonilleeye m'masomphenya oollota dda Yuda ni Yerusalemu.

Mateyu 2:17

Nndda ddaakwakhwaniha nnddo namallotella Yeremiya aallotilleeye wi,

Mateyu 16:14

Yaamwaakhulla wi, “Amodda eni Yohane Oobatiza, amodda eni namallotella Eliya nave amodda eni namallotella Yeremiya apaalle mmodda a anamallotella amodda.”

Mateyu 27:9

Nndda ddaakwakhwaniha nnddo namallotella Yeremiya aallotilleeye wi, “Yaakusa makobiri 30 waata wene athu a o Israele yiiwananiiwa wi emukullihelle.

1 Mamwene 2:26

Vano mwene aamulleella mullupa mukutho Abiyatara wi, “Khawe owaninyu o Anatoti vawi onaphwanella okhwa. Koma ngiwiipha veneva kaambiiwa waatukhulla nibokosi na echipangano na Apwiya Mulluku waariiwe ni attiitthaaka Davide navettho wi waahoowa nimodda ni attiitthaaka.”

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

2 Epilli 36:12

Nave aheera ddoonanara vamiitthoni va Apwiya Mullukwaaye. Olliye khiiyevihalle vamiitthoni va namallotella Yeremiya oyo allota mawu oovenyera wa Apwiya.

Ezara 1:1

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

Yesaya 10:30

Nyu athu a o Galimu, inllani mookhuwa! Nyu athu a o Laisha, apellani maaru! Nyu athu a o Anatoti, akhullani!

Yeremiya 29:27

Ethiyo kaambiiwa tini wahimweerenlleewe ddenndda Yeremiya o Anatoti oyo anaddeesa yeekha namallotella variyari vanyu?

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Ezara 2:23

Allopwana a o Anatoti yaari 128.

Yeremiya 30:1

Mawu a Apwiya Mulluku a Israele,

Yeremiya 37:12

Yeremiya aatimulla ovenyera o Yerusalemu oya o ellapo ya Benjamini wi aakhelle yoohallanaaye ya emata dda makhollwaaye.